Demarš pierad matčam ŁČ: niekatoryja hulcy rumynskaha kłuba admovilisia padavać ruku futbalistam «MŁ Viciebsk»
Start «MŁ Viciebsk» u kvalifikacyi Lihi čempijonaŭ zapomniŭsia nie tolki razhromnaj parazaj 1:4 ad rumynskaj «Univiersitaci», ale i palityčnym demaršam pierad startavym śvistkom.
Jak zaŭvažyła «Trybuna», adrazu niekalki hulcoŭ rumynskaj kamandy admovilisia ŭdzielničać u tradycyjnym pieradmatčavym pryvitańni i nie stali plaskać u dałoni futbalistam biełaruskaha kłuba.
U abjektyvy kamier trapili hruzinski lehijanier Anzor Miechvabišvili i partuhalec Samueł Teleš. Raniej pra svoj pryncypovy namier nie vitacca ź biełarusami publična zajaŭlaŭ ukrainski abaronca «Univiersitaci» Alaksandr Ramančuk.
Što tyčycca samoj hulni, jakaja z-za sankcyj prachodziła ŭ Vienhryi, intryha ŭ joj źnikła jašče ŭ pieršym tajmie: rumyny zabili try miačy (dva ź pienalci). Naprykancy sustrečy Valeryj Hramyka adhulaŭ adzin hoł dalokim udaram, ale ŭ dabaŭleny čas viciablanie prapuścili čaćviorty miač.
Matč u adkaz projdzie 15 lipienia ŭ Rumynii.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary