Pamiatka: jakich daktaroŭ i jak rehularna treba prachodzić, kab trymać zdaroŭje pad kantrolem
Razabracca ŭ hetym dapamahała zahadčyca adździaleńnia prafiłaktyki treciaj palikliniki h. Minska Raisa Praśviryna.
«Miedahlady, abo, jak pravilna nazyvać, dyspansieryzacyja, patrebnyja dla taho, kab vy byli ŭpeŭnienyja, što takija raspaŭsiudžanyja chvaroby, jak sardečna-sasudzistyja, ankałahičnyja, cukrovy dyjabiet i broncha-lohačnaja patałohija, vas nie zakranuć».
Doktar raskazała, što dla kožnaha pacyjenta pryznačajecca indyvidualnaje abśledavańnie — u zaležnaści ad połu i ŭzrostu.
Kali vam jašče niama 40 hadoŭ, to vam treba pakłapacicca, kab raz na try hady ŭ vas była projdzienaja elektrakardyjahrama i vyznačany ŭzrovień hlukozy ŭ kryvi. A taksama nie lišnim budzie zdać ahulny analiz kryvi i mačy, pravieści test na schavanuju kroŭ u kale. Daktary rekamiendujuć prachodzić palcavaje daśledavańnie pramoj kiški (u hetym dapamohuć chirurh, urołah abo akušer-hiniekołah).
«Ahlad akušera-hiniekołaha žančyna pavinna prachodzić raz na try hady. Flurahramu taksama treba prachodzić raz na try hady, ale kali vy pakutujecie na chraničnyja zachvorvańni, to tady lepiej prachodzić flurahramu štohod. Nie lišnim budzie prajści abśledvańnie pa zamiery ŭnutryvočnaha cisku, asabliva kali ŭ vašych svajakoŭ byli zachvorvańni na hłaŭkomu».
Paśla 40 hadoŭ treba prachodzić tych ža daktaroŭ i zdavać tyja ž analizy, ale ź pieryjadyčnaściu raz na dva hady.
«Treba abmovicca, što pryznačyć zdaču analizaŭ terapieŭt moža i čaściej, usio zaležyć ad stanu zdaroŭja kankretnaha čałavieka. Abo pryznačyć niejkija inšyja vidy daśledavańniaŭ».
Atrymanyja źviestki zanosiacca ŭ kartu ŭliku dyspansiernaha nazirańnia, a taksama ŭ elektronnuju bazu dadzienych. Paśla ahladu daktary zaniasuć vas u adnu z hrup dynamičnaha nazirańnia.
- hrupa D (1) — zdarovyja pacyjenty, jakija nie majuć nijakich skarhaŭ na stan zdaroŭja, u jakich padčas ahladu nie vyjaŭlenyja zachvorvańni abo parušeńni funkcyj arhanizma;
- hrupa D (2) — praktyčna zdarovyja pacyjenty, jakija majuć faktary ryzyki raźvićcia chraničnych zachvorvańniaŭ; a taksama pacyjenty z chraničnymi zachvorvańniami ŭ stadyi ŭstojlivaj remisii biez parušeńniaŭ funkcyj orhanaŭ i sistem arhanizma.
- hrupa D (3) — pacyjenty, jakija majuć chraničnyja zachvorvańni z umieranymi ci vyjaŭlenymi parušeńniami funkcyj arhanizma, ź pieryjadyčnymi abvastreńniami.
«Kali vas vyznačyli ŭ hrupu D (1), praciahvajcie vieści zdarovy ład žyćcia, kab zachavać zdaroŭje na doŭhija hady».
Dla pacyjentaŭ hrupy D (2) doktar składzie indyvidualnuju prahramu pa vyjaŭlenych faktarach ryzyki. Heta buduć rekamiendacyi pa źmienie ładu žyćcia: admova ad kureńnia, pravilnaje charčavańnie, pavieličeńnie fizičnaj aktyŭnaści, nie złoŭžyvać śpirtnym i hetak dalej.
Pacyjenty hrupy D (3) buduć znachodzicca na dyspansiernym uliku ŭ svajho ŭčastkovaha terapieŭta abo ŭ kankretnaha śpiecyjalista.
Sardečna-sasudzistyja zachvorvańni pa-raniejšamu źjaŭlajucca adnymi z samych raspaŭsiudžanych.
Daktary rekamiendujuć źviarnuć uvahu na asnoŭnyja pakazčyki, jakija rezka pavyšajuć ryzyku raźvićcia sardečna-sasudzistych zachvorvańniaŭ:
- pavyšany arteryjalny cisk. Vyšejšy čym 140/90 mm rt. sł.;
- pavyšany chalesteryn (bolšy za 5 mmol / ł);
- zališniaja masa cieła (IMT bolšy za 25). Kab vyličyć indeks masy cieła, vaźmicie svaju vahu ŭ kiłahramach i padzialicie jaje na kvadrat rostu ŭ mietrach;
- pavyšany ŭzrovień hlukozy ŭ kryvi (bolšy za 5,5 mmol/ł).
«Sukupnaść usich čatyroch pavyšanych pakazčykaŭ kaža ab najaŭnaści ŭ pacyjenta mietabaličnaha sindromu. Hety sindrom daktary vobrazna nazyvajuć strašnym słovam «śmiarotny kvartet», tamu što jon rezka pavyšaje ryzyku śmiarotnaści ad infarktu i insultu.
Učastkovyja miedsiostry piersanalna zaprašajuć prajści dyspansierny ahlad tych, chto nie naviedvaŭ lekaraŭ bolš za dva hady.
«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca16
Kamientary