«Karjera doktara Rausa» ŭ RTBD: chto jon, čałaviek, jaki naradziŭsia nie ŭ svaju epochu?
Nahadvajem, što RTBD chutka raspačnie novy siezon, tamu łavicie čarhovuju padkazku, jaki śpiektakl varta naviedać hetaj vosieńniu.
16 vieraśnia i 2 kastryčnika (tak, jašče nie chutka, ale paśla kvitkoŭ nie budzie) u teatry pakažuć histaryčna niedakładnuju trahikamiedyju — «Karjeru doktara Rausa». Režysior-pastanoŭščyk — mastacki kiraŭnik RTBD Alaksandr Harcujeŭ. Pa pjesie Viktara Marcinoviča.
Ludzi, jakija naradziłisia raniej svajoj epochi. Što my viedajem pra ich? Suchija histaryčnyja fakty, daty i ličby, partrety ŭ padručnikach. Viedajem ich dasiahnieńni, jakija siońnia dla nas naturalnyja i niezaŭvažnyja. Ale my naŭrad ci zadumvajemsia pra toje, jak takija ludzi žyli, što adčuvali, jak da ich stavilisia navakolnyja i čaho im kaštavała apantanaść svaimi idejami, jakaja źmianiała žyćcio ŭsiaho čałaviectva. Karjera doktara Rausa — historyja čałavieka, jaki naradziŭsia značna raniej svajoj epochi. I imia jaho — Francysk Skaryna.
Viktar Marcinovič i Alaksandar Harcujeŭ raskazali poŭnuju pryhod historuju pra «kankretnaha mažora, jaki vučyŭsia nie ŭ Połacku, a za miažoj». A kab hledaču było cikaviej, dadali ŭ realii XVI stahodździa sučasnych farbaŭ: tut Skarynu supravadžajuć łaziernaja ŭkazka, mabilny telefon i navat šklanki dla harbaty ŭ ciahnikach.
«Karjera doktara Rausa» — heta, u pieršuju čarhu, pra čałavieka, a ŭžo potym pra aśvietnika i pieršadrukara. Biezumoŭna, pohlad subjektyŭny, ale ad hetaha nie mienš cikavy. A jakim vy ŭjaŭlali Skarynu, kali čytali pra jaho karotkija źviestki ŭ padručnikach pa historyi i litaratury?
Prychodźcie pravieryć, ci supali vašyja ŭjaŭleńni pra hetaha čałavieka z aŭtarami pastanoŭki. Bližejšyja daty, kali heta možna budzie zrabić — 16 vieraśnia (paniadziełak) i 2 kastryčnika (sierada).
Praciahłaść: 2 hadziny 50 chvilin z antraktam.
Kupić kvitok na «Karjeru doktara Rausa»
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary