Aŭtary Vikipiedyi adpomścili žycharam ukrainskaha sielišča, jakoje admoviłasia pryniać evakujavanych
Hnieŭ, psichoz i soram va Ukrainie: žychary rajcentra Novyja Sanžary ŭ Pałtaŭskaj vobłaści pieraharadzili darohi, kab nie puścić u miascovy miedcentr Ministerstva ŭnutranych spraŭ evakujavanych z Kitaja suajčyńnikaŭ.
Ludziej, jakich dastavili śpiecrejsam z Uchania, z epicentra karanavirusa, płanavali raźmiaścić u Novych Sanžarach na čas karancinu.
Adbylisia sutyknieńni z palicyjaj, adnamu z achoŭnikaŭ paradku kamieniem prabili hałavu.
Urešcie ministr achovy zdaroŭja Ukrainy vyzvałasia sama pravieści dva tydni ŭ izalacyi razam z evakujavanymi, kab pakazać, što heta nie śmiarotna.
Prezident Ukrainy Uładzimir Zialenski pryhraziŭ palitykam, jakija padbuchtorvajuć miascovaje nasielnictva, što jon pasielić evakujavanych u Konča-Zaśpie, heta ŭkrainski anałah Drazdoŭ.
Pratesty, anałahičnyja sanžarskim, adbylisia taksama ŭ Lvoŭskaj vobłaści Ukrainy, kudy taksama mieli dastavić evakujavanych.
Ehaizm žycharoŭ hetych haradoŭ vyklikaŭ dyskusii i abureńnie mnohich ukraincaŭ. U pryvatnaści, aŭtary Vikipiedyi źmianili artykuły pra Novyja Sanžary pa-rasiejsku i pa-ŭkrainsku.
«Novyja Sanžary — provincyja Buchań, nasielnictva składaje 8179 ałkašoŭ», — paviedamlaje ŭkrainskaja viersija Vikipiedyi.
«Pasiołak zmročnaha typu, žachlivy centr Mutnaha rajona i Tlennaha pasiałkovaha savieta, u zmrok jakoha admovilisia ŭvachodzić inšyja nasielenyja punkty», — kamientuje rasiejskamoŭnaja Vikipiedyja.
«Mnie soramna, što ja ŭkrainiec», — napisaŭ adzin z kamientataraŭ u Jutubie. «Kapiec u Vas tam, nielha hetak da ludziej stavicca, jany pryjechali na Radzimu, pa dapamohu».
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2020
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich20
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary