Minzdaroŭja prypyniła prafahlady ŭ paliklinikach da 20 krasavika
Niahledziačy na toje, što epidemičny stan u krainie nie abvieščany, mnohija ministerstvy i viedamstvy ciškom realizujuć de-fakta karancinnyja miery.
Tak, Ministerstva achovy zdaroŭja svaim zahadam № 344 ad 26 sakavika spyniła praviadzieńnia prafahladaŭ u paliklinikach. Prafahlady nie buduć pravodzicca z 30 sakavika da 20 krasavika. Adpaviednyja abviestki źjavilisia va ŭsich paliklinikach Biełarusi.
Raniej Minski mietrapaliten paviedamiŭ, što kolkaść pasažyraŭ u sakaviku pamienšała na čverć.
Mnohija teatry admianili śpiektakli, a inšyja pačali tranślavać ich anłajn, kab źmienšyć kolkaść naviednikaŭ u załach. Admianiŭ płanavanyja ekskursii i lekcyi Nacyjanalny mastacki muziej krainy.
Na «prafiłaktyku» na krasavik začyniŭsia Minski akvapark — najbolšy ŭ krainie.
My nazirajem redki vypadak, kali mnohija struktury dziejničajuć faktyčna ŭrazrez z zajavami Alaksandra Łukašenki, jaki niekalki razoŭ nazyvaŭ karanavirus «psichozam».
«Ja hety karanavirus nazyvaju niajnačaj jak psichozam i ad hetaha nikoli nie admoŭlusia, bo razam z vami pieražyŭ užo mnohija psichozy, i my viedajem, da čaho heta pryvodziła, — zajaviŭ Alaksandr Łukašenka. — Ja absalutna pierakanany, što my možam bolš paciarpieć ad paniki, čym ad samoha virusa. Voś heta mianie bolš za ŭsio chvaluje».
Ciapier čytajuć
Łukašenka: Ja na pieramovach z amierykancami i jeŭrapiejcami kažu: «Ja hatovy pieraharnuć staronku»25
Łukašenka: Ja na pieramovach z amierykancami i jeŭrapiejcami kažu: «Ja hatovy pieraharnuć staronku»
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha4040
Kamientary