Hara naradziła turnikiet: pad markaj taho, što krainu navadnili rasijskija bajeviki, ułady ŭvodziać mietałašukalniki na mitynhach Cichanoŭskaj
Učorašniaja infarmacyja pra zatrymańnie ŭ Biełarusi 33 bajcoŭ pryvatnaj rasijskaj vajennaj kampanii vyklikała šmat hadańniaŭ i dadumak. I adnaznačna pryviadzie da ŭskładnieńniaŭ u adnosinach z Rasijaj. Kali bajeviki sapraŭdy byli zasłanyja, heta varožy krok z boku Rasii, blizki da hibrydnaj vajny. Kali bajeviki nie byli zasłanyja, a byli schoplenyja pa svajoj kryvoj darozie ŭ Afryku ci jašče niekudy, heta budzie ŭspryniata Rasijaj jak varožy krok z boku Biełarusi i nie budzie pakinuta biez reakcyi. Tak ci inakš, u siłu hetaha ŭ najbližejšy čas Biełaruś pavierniecca ŭ bok Zachadu — samaizalacyja ŭ nas niemahčymaja, tut nie Kareja, narod pryvyk da inšaha žyćcia.
Navidavoku — niełahičnaść (abo łohika) krokaŭ u adkaz.
Kali vy vyjavili hibrydnuju siłu na svajoj terytoryi dy inšyja takija hrupy kancentrujucca kala Pskova, to naprošvajecca zakryćcio miežaŭ, spynieńnie pasažyrskaha transpartnaha złučeńnia i vychad z damovaŭ pra supracoŭnictva ŭ śfiery biaśpieki. Hramadstva — i alternatyŭnaja kandydatka ŭ prezidenty — nie prosta zrazumieli b takija kroki, ale i padtrymali b.
Miž tym, adziny realny krok, jaki robicca: nadhlad i ramki na pieradvybarčych mitynhach — ich realna pravodzić adna Cichanoŭskaja, bo tolki adna jana zdolnaja ich sabrać.
Ramki i nadhlad u prastornych parkach biełaruskich haradoŭ majuć adziny praktyčny efiekt: biudžetniki buduć bajacca prychodzić pad stracham identyfikacyi, takaja čysta psichałahičnaja miera.
Takim čynam, u suchoj rešcie: pad markaj taho, što krainu navadnili rasijskija bajeviki, ułady ŭvodziać mietałašukalniki na mitynhach Cichanoŭskaj.
Ci ŭdasca takim čynam łukašenkaŭcam źmienšyć kolkaść udzielnikaŭ sustreč Cichanoŭskaj, stanie zrazumieła siońnia ŭviečary ŭ Minsku, dzie a 18-j zapłanavany vialiki kancert u jaje padtrymku ŭ parku Družby narodaŭ. A taksama ŭ nastupnyja try dni ŭ haradach Hrodzienščyny i Brestčyny, kudy kandydatka jedzie ź vialikim turne.
Apytanka
-
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy
-
Lavon Volski: «Kali chto dumaje, što ź siońniašnimi spadkajemcami savieckich kataŭ dy zabojcaŭ možna pra niešta damaŭlacca, jon žorstka pamylajecca»
-
Dziadok: «Nijakaja palityčnaja meta nie kaštuje žyćcia ludziej»? U vas nul razumieńnia palityki i nul razumieńnia žyćcia
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»6
Kamientary