«Nam skazali, što pad Pskovam i Nievielem farmirujucca dźvie hrupoŭki»
Siarhiej Čeračeń pa vynikach pasiadžeńnia CVK raspavioŭ, što sakratar Rady biaśpieki Andrej Raŭkoŭ papiaredziŭ, što treba praduchilić pravakacyi, i jany mohuć adbycca.
«Rychtujucca jašče hrupoŭki, jakija mohuć pryjechać na terytoryju krainy, i jany (pravakacyi) mahčymy padčas pikietaŭ i kancertaŭ», — skazali nam.
Andrej Dźmitryjeŭ, jaki vyjšaŭ za im, dadaŭ, što im, kandydatam u prezidenty, skazali, što ŭ krainie jość 170 bajevikoŭ, abučanych padryŭnoj i snajpierskaj dziejnaści. I kali karanavirusam pahražaje naziralnikam, to ŭ vypadku z bajevikami, jany pahražajuć «masavym mierapryjemstvam».
«Składana stavić pad sumnieŭ słovy sakratara Rady biaśpieki. Jon pavinien być čałaviekam, jaki adkazvaje za svaje słovy, bo inakš usio kiepska ŭ krainie, ale mnie chapiła vialikaha kavałka infarmacyi, kab razumieć, što adbyvajecca. Kali nam kažuć, što ŭ krainie 170 čałaviek, ja chaču razumieć, što my robim, dzie zakrytyja harady, dzie błokpasty, jak my ich łovim? Nam kažuć (prabačcie, ja zapisvaŭ, mnie budzie praściej), što pad Pskovam i Nievielem farmirujucca jašče niejkija hrupoŭki, kali my pabačym notu MZS Biełarusi da MZS Rasii? Bo heta surjozna, heta nie žarty», — zadaŭsia pytańniem kandydat u prezidenty.
«Dyk heta Raŭkoŭ takoje skazaŭ, pra Pskoŭ i Nieviel?» — pierapytvaje adzin z žurnalistaŭ
«Tak, jon skazaŭ, što pad Pskovam i Nievielem jość jašče dźvie hrupoŭki, jakija farmirujucca ŭ padobnych metach».
«Liču, što heta infarmacyja vielmi surjoznaja, i pavinny reahavać na heta śpiecsłužby i Biełarusi, i Rasii», — dadaŭ Dźmitryjeŭ.
Raŭkoŭ skazaŭ nam, paviedamlaje Dźmitryjeŭ, što niekatoryja bajeviki raskazali, što pryjechali siudy «rabić revalucyju». Ale mienavita niekatoryja.
Dźmitryjeŭ zadaŭ pytańnie, ci mahčyma adklučeńnie internetu 9 žniŭnia, Raŭkoŭ adkazaŭ, kali budzie niebiaśpieka, to nie vyklučana, što budzie poŭnaje adklučeńnie internetu.
«Adziny sposab uniknuć takich situacyj, heta abrać novaha prezidenta. Chto davioŭ krainu da takoj situacyi? Usie alternatyŭnyja kandydaty za mirnaje vyrašeńnie situacyi», — kaža Dźmitryjeŭ.
Na pytańnie žurnalistaŭ, čamu vybiehła pieršaj Kanapackaja, a jany vyjšli praz 15 chvilin, Dźmitryjeŭ pažartavaŭ, što jany vypuścili samaj pieršaj samaha mocnaha palityka, kab jana ŭsio papularna patłumačyła.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali3
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2626
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra26
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary