Deputat Savinych: Šmatviektarnaja palityka bolš nie adpaviadaje zadačam raźvićcia Biełarusi
BiełTA
Pra heta zajaviŭ u kamientary BiełTA staršynia kamisii pa mižnarodnych spravach Pałaty pradstaŭnikoŭ Andrej Savinych.
«Jość dastatkova padstavaŭ śćviardžać, što šmatviektarnaja palityka va ŭmovach sutyknieńnia hieapalityčnych prajektaŭ na fonie pracesu abjadnańnia dziaržaŭ u makrarehijony i razbureńnia hłabalnaj handlovaj i finansavaj sistemaŭ bolš nie zabiaśpiečvaje patrebnyja ŭmovy dla spryjalnaha raźvićcia Biełarusi. Biahučyja palityčnyja padziei pavinny prapanavać novuju strukturu zamiežnapalityčnych pryjarytetaŭ», — zajaviŭ jon.
Takim «vyšejšym pryjarytetam» dla Biełarusi, pavodle Savinych, zastajecca ŭmacavańnie palityčnych, ekanamičnych i vajskovych adnosinaŭ z Rasijskaj Federacyjaj u ramkach Sajuznaj dziaržavy. Hałoŭnaja zadača — uvachodžańnie ŭ jadro Jeŭrazijskaha makrarehijona.
«Da pryjarytetu hetaha ž uzroŭniu treba adnieści raźvićcio adnosin z krainami Jeŭrazijskaha ekanamičnaha sajuza. A na pierśpiektyvu liču darečnym stavić ahulnuju zadaču pastupovaha pašyreńnia hetaha abjadnańnia jak za košt krain SND, tak i za košt inšych krain Jeŭrazii. Meta pašyreńnia — stvareńnie paŭnavartasnaha makrarehijona ź niezaležnaj finansavaj sistemaj, samastojnym rynkam i pradumanaj sistemaj padziełu pracy», — padsumavaŭ Savinych.
Kamientary