«Ja vychodžu!» Deputaty Jeŭraparłamienta pačynali svaje vystupy sa słoŭ Ramana Bandarenki
Na siesii Jeŭraparłamienta 26 listapada prajšli terminovyja debaty na temu «Niaspynnyja parušeńni pravoŭ čałavieka ŭ Biełarusi, u pryvatnaści zabojstva Ramana Bandarenki», padčas jakich deputaty rezka asudzili represiŭnyja dziejańni biełaruskich uładaŭ i zaklikali da pašyreńnia pakietu sankcyj, piša Radyjo Svaboda.
Paźniej siońnia pa vynikach debataŭ budzie pryniataja admysłovaja rezalucyja ŭ hetym pytańni.
Padčas debataŭ niekatoryja jeŭradeputaty pačynali svaju pramovu słovami «Ja vychodžu» (apošniaje paviedamleńnie Ramana Bandarenki ŭ dvarovym čacie) i zakančvali łozunham «Žyvie Biełaruś!»
Vystupajučy ad imia frakcyi Jeŭrapiejskaj narodnaj partyi, deputat Andrus Kubilus zajaviŭ: «Toje, što čynić režym Łukašenki ŭ adnosinach da biełaruskich hramadzian, my nazyvajem unutranym teraryzmam. Što my pavinny rabić? Toje samaje, što i ź inšymi terarystyčnymi režymami: žorstkija ekanamičnyja sankcyi ŭ dačynieńni da dziaržaŭnych i pryvatnych kampanij, jakija važnyja dla režymu, sankcyi na apieracyi ŭ sistemie SWIFT, praviadzieńnie mižnarodnaha trybunała i hetak dalej».
«Raman Bandarenka pamior maładym i ŭžo nikoli nie ŭbačyć Biełaruś svabodnaj i niezaležnaj, — skazaŭ kiraŭnik delehacyi Jeŭraparłamienta pa suviaziach ź Biełaruśsiu Robiert Biedrań. — Usio heta adbyvajecca nie ŭ niejkim dalokim miescy. Heta adbyvajecca prosta ciapier u nas na parozie, u apošniaj dyktatury Jeŭropy. Usio heta realnyja žyćci realnych ludziej, heta realnaja bitva za svabodu i hodnaść. U mianie jość pačućcio, što z boku ES pakul razmoŭ bolš, čym dziejańniaŭ».
Miryjam Leksman zaklikała stvaryć misiju Jeŭraparłamienta vysokaha ŭzroŭniu, jakaja «budzie sadziejničać spynieńniu hvałtu, vyzvaleńniu palitviaźniaŭ i pačatku nacyjanalnaha dyjałohu ŭ spravie vychadu z kryzisu».
Ciapier čytajuć
Mahčyma, uzłamali «Biełdziaržstrach» — dadzienyja miljonaŭ biełarusaŭ pad pahrozaj1
Mahčyma, uzłamali «Biełdziaržstrach» — dadzienyja miljonaŭ biełarusaŭ pad pahrozaj
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski33
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski3
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary