A1 pačynaje pryjom zajavak na novy konkurs idej dla staršakłaśnikaŭ «Pieršyja». Pieramožcy atrymajuć iPhone 12
2 lutaha startavaŭ novy siezon prajekta «Pieršyja» dla biełaruskich staršakłaśnikaŭ. Navučency 9, 10 i 11-ch kłasaŭ mohuć uziać udzieł u adukacyjnaj prahramie i prezientavać svaje idei pra toje, jak źmianić žyćcio navokał da lepšaha. Dziesiać aŭtaraŭ samych cikavych idej vystupiać na biełaruskamoŭnaj moładzievaj kanfierencyi TEDxYouth@Minsk 2021 i atrymajuć smartfony iPhone 12.
Dla ŭdziełu ŭ konkursie i adukacyjnaj prahramie treba ŭžo zaraz zapoŭnić ankietu na sajcie www.generation.A1.by. Svaje idei staršakłaśniki mohuć prapanavać u adnym ź piaci kirunkaŭ: «Technałohii», «Kultura», «Inkluzija», «Ekałohija», a taksama ŭ navincy hetaha siezonu — «Urbanistycy».
Kožnaj z tem buduć pryśviečany asobnyja majstar-kłasy i mitapy z ekśpiertami, padčas jakich udzielniki prajekta zmohuć raspracoŭvać svaju ideju, nabyvać karysnyja viedy, raźvivać navyki vystupaŭ, prezientacyi, kamandnaj pracy.
Zhodna z pałažeńniem ab konkursie, udzielnikam treba źniać videarolik pra svaju ideju (da 3 chvilin), padzialicca im u luboj sacyjalnaj sietcy (TikTok, Instagram, VK, YouTube, FB, OK, Twitter) z chešteham konkursu #generationA1 i dasłać spasyłku na [email protected]. Konkursnyja zajaŭki ź videa buduć prymacca da 30 krasavika 2021 hoda, ale zarehistravacca dla ŭdziełu ŭ adukacyjnaj prahramie možna ŭžo zaraz.
Pieramožcy buduć vyznačanyja ŭ mai. A ŭ vieraśni dziesiać staršakłaśnikaŭ, jakija projduć u finał konkursu, vystupiać na tradycyjnaj moładzievaj kanfierencyi TEDxYouth@Minsk 2021 i atrymajuć pryzy — iPhone 12 64GB.
Sacyjalna-adukacyjny prajekt «Pieršyja» realizujecca kampanijaj A1 pry padtrymcy arhanizataraŭ kanfierencyj TEDxMinsk. Prajekt «Pieršyja» prachodzić na biełaruskaj movie, uklučajučy ŭsie majstar-kłasy i publičnyja vystupy finalistaŭ, bo adna z metaŭ konkursu — pašyreńnie vykarystańnia biełaruskaj movy i pavieličeńnie jaje papularnaści z dapamohaj suśvietnaj supolnaści TED.
Sioleta ambasadarami prajekta «Pieršyja» taksama stanuć piedahohi z prahramy «Nastaŭnik dla Biełarusi». Heta nadaść bolš uvahi pracy z vučniami ŭ rehijanalnych škołach.
«Kožny novy siezon prajekta «Pieršyja» pakazvaje, jak mnoha cikavych i karysnych idej dla Biełarusi jość u našaj moładzi. I partniorstva z supolnaściu TEDx dazvalaje pradstavić ich u papularnym suśvietnym farmacie, pryčym na rodnaj movie svajoj krainy. Heta dapamahaje staršakłaśnikam pavieryć u siabie i kaštoŭnaść ich zadumak, uśviadomić biaźmiežnaść svaich mahčymaściaŭ i pierakanacca na ŭłasnym prykładzie: kožny moža zrabić niešta važnaje dla miesca, dzie jon žyvie», — adznačyŭ načalnik adździeła karparatyŭnych kamunikacyj A1 Mikałaj Bredzieleŭ.
Ab prajekcie «Pieršyja»
Konkurs idej «Pieršyja» realizujecca kampanijaj A1 užo na praciahu troch siezonaŭ z 2018 hoda pry padtrymcy arhanizataraŭ kanfierencyj TEDxMinsk. Meta konkursu — pavysić cikavaść školnikaŭ da biełaruskaj movy i kultury, technałahičnych inavacyj, inkluzii, ekałohii i ŭrbanistyki, dapamahčy staršakłaśnikam z vybaram prafiesii, pryciahnuć ich uvahu da hramadska važnych prablem, ukaranić u navučańnie niefarmalnyja farmaty, znajści i padtrymać talenavituju moładź.
Bolš padrabiaznaj infarmacyi — na sajcie www.generation.A1.by.
Ciapier čytajuć
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?18
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary