U Hrodnie pa spravie pra «reabilitacyju i apraŭdańnie nacyzmu» zatrymali žurnalista Paŭła Mažejku
Pavieł Mažejka, viadomy biełaruski žurnalist, źjaŭlajecca kiraŭnikom pryvatnaj ustanovy «Centr haradskoha žyćcia», dzie adbyvałasia vystava mastaka Alesia Puškina.
Na mastaka Alesia Puškina zaviali kryminałku za «reabilitacyju i apraŭdańnie nacyzmu»
Ranicaj 26 sakavika Mažejku vyklikali na dopyt u Haradzienskuju prakuraturu, ź jakoj dadomu jon nie viarnuŭsia, bo byŭ źmieščany pad aryšt, paviedamlaje hazieta Glos znad Niemna.
Nahodaj dla pačatku kryminalnaj spravy pa artykule 130 KK stała toje, što 19 sakavika na vystavie karcin Puškin źmiaściŭ partret udzielnika paślavajennaj antysavieckaj partyzanki Jaŭhiena Žychara z aŭtamatam na plačy.
Žychar, piša prakuratura, «z 1946 hoda ŭznačaliŭ atrad z byłych palicajaŭ i inšych zdradnikaŭ, jakija na praciahu 9 hadoŭ u Pastaŭskim rajonie ździajśniali zabojstvy milicyjantaŭ, partyjnych i dziaržaŭnych słužbovych asob, padpały administracyjnych budynkaŭ i dyviersii na čyhuncy».
Pavodle prakuratury, padčas vystavy Puškin charaktaryzavaŭ Žychara jak čałavieka ź biełaruskaha supracivu, zmahara z balšavikami.
42-hadovy Pavieł Mažejka — žurnalist ź mižnarodnaj reputacyjaj, łaŭreat nacyjanalnych i mižnarodnych premij.
U 2002-2004 jon byŭ asudžany da chimii za «paklop» na Alaksandra Łukašenku ŭ artykule pra źniknieńnie Zacharanki, Hančara dy inšych apanientaŭ kiraŭnika Biełarusi.
U 2005-2007 jon byŭ pres-sakratarom adzinaha kandydata ŭ prezidenty ad Abjadnanych demakratyčnych sił Alaksandra Milinkieviča.
Vioŭ aŭtarskija prahramy na «Biełsacie» i byŭ vykanaŭčym dyrektaram kanała, ale nie staŭ zastavacca ŭ Polščy, a viarnuŭsia ŭ rodnuju Horadniu, dzie stvaryŭ Centr haradskoha žyćcia.
Haduje dvaich dziaciej.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie23
Kamientary