Na mastaka Alesia Puškina zaviali kryminałku za «reabilitacyju i apraŭdańnie nacyzmu»
Za partret paślavajennaha antysavieckaha partyzana Jaŭhiena Žychara.
Prakuratura Hrodna 26 sakavika raspačała kryminalnuju spravu suprać kiraŭnika pryvatnaj ustanovy «Centr haradskoha žyćcia» Paŭła Mažejki i mastaka Alesia Puškina, a taksama inšych asob «za ździajśnieńnie naŭmysnych dziejańniaŭ, nakiravanych na reabilitacyju i apraŭdańnie nacyzmu», — paviedamlaje tielehram-kanał viedamstva.
Pryčynaj stała toje, što 19 sakavika na vystavie karcin Puškin źmiaściŭ partret udzielnika paślavajennaj antysavieckaj partyzanki Jaŭhiena Žychara z aŭtamatam na plačy.
Žychar, piša prakuratura, padčas niamieckaj akupacyi prajšoŭ navučańnie ŭ śpiecpadraździaleńni Abviera i ŭ 1944-m byŭ zakinuty ŭ Połackuju vobłaść. «Z 1946 hoda jon uznačaliŭ atrad z byłych palicajaŭ i inšych zdradnikaŭ, jakija na praciahu 9 hadoŭ u Pastaŭskim rajonie ździajśniali zabojstvy milicyjantaŭ, partyjnych i dziaržaŭnych słužbovych asob, padpały administracyjnych budynkaŭ i dyviersii na čyhuncy».
Pavodle prakuratury, padčas vystavy Puškin charaktaryzavaŭ Žychara jak čałavieka ź biełaruskaha supracivu, zmahara z balšavikami, i heta stała padstavaj dla kryminałki.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary