Vynieśli prysud šmatdzietnamu baćku, jaki 10 žniŭnia kinuŭ la «Ryhi» dva kamiani, — 3 hady kałonii ŭzmocnienaha režymu
Cud Pieršamajskaha rajona Minska 30 sakavika vynies prysud pa kryminalnaj spravie Viktara Siadova (č. 2 art. 293 Kryminalnaha kodeksu), paviedamlaje spring96.org.
Spravu razhladała sudździa Anastasija Lejkoŭskaja, dziaržabvinavaŭca — prakuror Zubko.
Viktar Siadoŭ byŭ zatrymany 16 kastryčnika ŭ Minsku pavodle videa, na jakim nibyta bačna, što jon kidaje kamiani na akcyi pratestu ŭ Minsku.
Zhodna z abvinavačvańniem, u noč na 11 žniŭnia na pierakryžavańni vulic Surhanava i Kujbyšava kala domu Surhanava, 50, Siadoŭ prymaŭ udzieł va ŭźviadzieńni barykad, kinuŭ pry hetym dva pradmiety na prajeznuju častku.
Vinu častkova pryznaŭ. Kaža, što pakłaŭ kamień na prajeznuju častku i kinuŭ na darohu kamień.
Siońnia ŭ sudzie Siadoŭ vystupiŭ z apošnim słovam.
Jon skazaŭ, što nie zmoh u takoj palityčnaj situacyi strymać svaje emocyi. Paprasiŭ prabačeńnia ŭ svajoj siamji, dziaciej, jakim pryčyniŭ mnoha hora: «Spadziajusia z Božaj dapamohaj vy zmožacie vyžyć», - emacyjna vykazaŭsia jon.
Siadoŭ paprasiŭ nie nakazvać jaho stroha. U vyniku Anastasija Lajkoŭskaja prysudziła 3 hady kałonii ŭzmocnienaha režymu.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary