Da 5 hadoŭ kałonii. Vyniesieny prysud 10 bieraściejcam pa spravie «pudziłaŭ-rejek»
U sudzie Leninskaha rajona Bieraścia 18 maja vyniesieny prysud pa kryminalnaj spravie za naŭmysnaje pryviadzieńnie ŭ nieprydatnaść transpartnaha srodku abo šlachoŭ znosin (artykuł 309 Kryminalnaha kodeksa), a taksama za raźviešvańnie pudziłaŭ u abłasnym centry (č. 2 artykuła 339 — chulihanstva, ździejśnienaje hrupaj asob) i padpał aŭtapakryšak. Spravu razhladaŭ sudździa Alaksandr Siemiančuk, paviedamlajuć pravaabaroncy.
Usiaho pa spravie prachodziła dziesiać čałaviek.
Im staviacca ŭ vinu niekalki epizodaŭ: vyviešvańnie pudziłaŭ u roznych miescach horada, zakidvańnie jajkami i kamianiami apornaha punkta milicyi, padpał nočču na biaźludnaj vulicy aŭtamabilnych pakryšak, razmalavany kijosk «Tabakierka». Usio heta rasceniena jak «złosnaje chulihanstva» (č. 2 art. 339 KK), «asabliva złosnaje chulihanstva» (č. 3 art. 339 KK). Taksama stavicca ŭ vinu złačynstva pa č. 1 st. 309 KK (naŭmysnaje pryviadzieńnie ŭ niepryhodnaść transpartnaha srodku abo šlachoŭ znosin) za zamykańnie čyhunačnych rejek mietaličnym drotam.
Sudździa Siemiančuk 18 maja pryznaŭ usich vinavatymi i vynies nastupnyja pakarańni:
- Kambul Jaŭhien — 5 hadoŭ kałonii ahulnaha režymu;
- Siarhiej Silič — 4 hady kałonii ahulnaha režymu;
- Siluk Maksim — 2 hady 6 miesiacaŭ kałonii ahulnaha režymu;
- Pyciel Maksim — 3 hady kałonii ahulnaha režymu;
- Syravatka Volha — 2 hady kałonii ahulnaha režymu;
- Barynava Natalla — 1 hod kałonii ahulnaha režymu;
- Muratava Natalla — 1 hod kałonii ahulnaha režymu;
- Krasoŭski Siarhiej — 2 hady kałonii ahulnaha režymu;
- Kaciubka Uładzimir — 1 hod 6 miesiacaŭ kałonii ahulnaha režymu;
- Silanok Maryna — 1 hod 6 miesiacaŭ «chimii».
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary