Videa na pieśniu «Baju-Baj» brescki HUBAZiK prosić pryznać ekstremisckim. Adpaviednuju zajavu ŭ sud apublikavaŭ u storyz lidar hurta Juryj Stylski.
Upraŭleńnie HUBAZiK pa Bresckaj vobłaści źviarnułasia ŭ sud Leninskaha rajona Bresta z prośbaj ab pryznańni ekstremisckim klipa «Baju-baj» hurta «Daj darohu!».
HUBAZiK piša, što na jutub-kanale hurta «raspaŭsiudžvajucca infarmacyjnyja materyjały, skiravanyja na raspalvańnie varožaści abo roźni pa prykmiecie sacyjalnaj prynaležnaści».
Klip na pieśniu «Baju-baj», na dumku HUBAZiK, źniaty z metaj dyskredytacyi siłavych struktur.
«Na heta ŭkazvajuć vobrazy kiroŭcy aŭtazaka, jaki na kambajnie pieraśleduje ni ŭ čym nie vinavatych ludziej. Achviary pakazanyja hranična miralubnymi i biezzabaronnymi», — padkreślivaje ŭpraŭleńnie HUBAZiKa.
«…situacyja zatrymańnia parušalnikaŭ hramadskaha paradku pradstaŭlena aŭtarami pieśni jak biaźlitasnaje zabojstva…», — śćviardžajecca ŭ ekśpiertnym zaklučeńni.
HUBAZiK prosić pryznać klip, jaho mahčymyja kopii, vytvornyja tvory i pierapracoŭki, jakija ŭtrymlivajuć asnoŭny sens, — ekstremisckim materyjałam.
U videa ciapier amal 870 tysiač prahladaŭ.
Razhlad spravy pačniecca 5 žniŭnia ŭ sudzie Leninskaha rajonu Bresta. Lidar «Daj Darohu!» Juryj Stylski zaprošany tudy ŭ jakaści «zacikaŭlenaj asoby».
-
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda
-
Ankołah Karanik vystupiŭ z dakładam ab zachavańni bujnoj rahataj žyvioły
-
Maładuju minskuju jurystku, jakaja ciapier zajmajecca dyzajnam interjeraŭ, asudzili za ŭdzieł u pratestach
Kamientary