Statystyka pakazvaje, što zachvorvańnie lahčej pieranosiać tyja, chto zrabiŭ pryščepku, u adroźnieńnie ad tych, chto admoviŭsia. U Biełarusi dastupnyja try varyjanty vakcyn. Jakuju abrać?
Najbolš dziejsnaja vakcyna — «Sputnik V». Pra heta zajaviła hałoŭny sanitarny lekar stalicy Śviatłana Jarmak, piša «Minsk-Naviny».
Efiektyŭnaść «Sputnika» bolšaja za 93%, što dakazana daśledavańniami papulacyjnaha imunitetu, jakija ŭžo dvojčy prachodzili ŭ Minsku.
Kitajskaja vakcyna maje efiektyŭnaść 70-75%.
«Sputnik łajt» — adnakampanientnaja vakcyna, pryznačana dla maładoha nasielnictva va ŭzroście ad 18 da 23 hadoŭ. Paśla jaje imunitet farmujecca na termin da 6 miesiacaŭ, a paśla dvuchkampanientnych pryščepak — na bolš praciahły.
Śviatłana Jarmak taksama nahadała, što ŭ stalicy možna pryščapicca ŭ 39 ambułatorna-palikliničnych ustanovach, 10 stacyjanarach, 30 handlovych centrach, punktach vakcynacyi na asobnych stancyjach mietrapalitena. U niekatorych arhanizacyjach možna zapisacca onłajn na peŭny čas.
Pa danych Ministerstva achovy zdaroŭja, u krainie vakcynavalisia poŭnym kursam 1,7 młn čałaviek.
14 vieraśnia Ministerstva achovy zdaroŭja paviedamiła, što ŭ Biełaruś pryjšła čarhovaja chvala COVID-19.
Infiekcyjanist Sałaviej raskazaŭ, jak pravilna karystacca pulsaksimietram i na što źviartać uvahu
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary