Adbyłasia ździełka pa prodažy Saidam Huceryjevym, jaki trapiŭ pad zachodnija sankcyi, akcyj «Parytetbanka» rasijskamu pradprymalniku Rasimu Ismaiłavu, paviedamili pradstaŭniki finansavaj arhanizacyi.
Ździełka adbyłasia 12 kastryčnika. Suma ździełki nie raskryvajecca.
Nahadajem, Said Huceryjeŭ, syn rasijskaha aliharcha, blizkaha da Łukašenki, siem hod byŭ hienieralnym dyrektaram kampanii «ForteInviest», adnaho z najbujniejšych pierapracoŭščykaŭ nafty ŭ Rasii. A niadaŭna syšoŭ z pasady na fonie ŭviedzienych zachodnich sankcyj.
Baćku Saida, Michaiła Huceryjeva źviazvajuć sa źjaŭleńniem u Łukašenki Majbacha i viertalota.
Ciapier Huceryjevu-starejšamu zabaronieny ŭjezd u ES i Vialikabrytaniju, karystańnie i rasparadžeńnie majomaściu ŭ hetych krainach, zamarožany rachunki i spynieny finansava-ekanamičnyja adnosiny z samim Michaiłam Huceryjevym i padkantrolnymi jamu kampanijami.
Kamientary