Syn Huceryjeva, jaki trapiŭ pad zachodnija sankcyi, syšoŭ z kiraŭnictva naftapierapracoŭčaj kampanii
Said Huceryjeŭ, syn rasijskaha aliharcha blizkaha da Łukašenki, siem hod byŭ hienieralnym dyrektaram kampanii «ForteInviest», adnaho z najbujniejšych pierapracoŭščykaŭ nafty ŭ Rasii. A ciapier syšoŭ z pasady.
Jak paviedamlaje rasijskaje vydańnie «Viedomosti», Huceryjeŭ-małodšy vyrašyŭ zasiarodzicca na kiravańni aktyvami, dzie jon źjaŭlajecca asnoŭnym akcyjanieram, naprykład, «M.Videa».
Nahadajem, Said Huceryjeŭ niadaŭna pradaŭ svaje doli ŭ troch kryptabiržach. Jahony baćka ŭ červieni patrapiŭ pad siektaralnyja sankcyi ES, u žniŭni — pad sankcyi Vialikabrytanii.
Michaiła Huceryjeva źviazvajuć sa źjaŭleńniem u Łukašenki Majbacha i viertalota.
Ciapier Huceryjevu-starejšamu zabaronieny ŭjezd u ES i Vialikabrytaniju, karystańnie i rasparadžeńnie majomaściu ŭ hetych krainach, zamarožvańnie rachunkaŭ i spynieńnie finansava-ekanamičnych adnosinaŭ z samim Michaiłam Huceryjevym i padkantrolnymi jamu kampanijami.
«Asnoŭny jaho biznes — strachavańnie, nafta, deviełapierstva, kalij — jano za miežami ES i Brytanii, — adznačała krynica «Našaj Nivy» ź biznes-kołaŭ. — Heta ŭsio ŭnutry Rasii i Biełarusi, kredytujecca pieradusim jon taksama ŭ rasijskich dziaržaŭnych bankach. Ale vidavočna, svajoj brytanskaj majomaściu na niekalki dziasiatkaŭ miljonaŭ funtaŭ jon užo nie skarystajecca, hrošy na Zachad nie vyviedzie, nie kažučy pra toje, što ciapier dla partnioraŭ stanovicca vielmi taksičnym i jahony syn Said Huceryjeŭ, jaki žyvie i viadzie spravy ŭ Łondanie».
Ciapier čytajuć
Dźmitryj Siemčanka: Ja pryjšoŭ u puł Łukašenki bicca z Rasijaj1
Kamientary