Hramadstva

«Uziali dudy, kab padkreślić mirny charaktar šeścia»: pačaŭsia sud nad udzielnikami Irdorath Uładzimiram i Nadziejaj Kałačami

Sud Savieckaha rajona Minska 9 śniežnia pačaŭ razhlad kryminalnaj spravy palitviaźniaŭ, udzielnikaŭ muzyčnaha fentezi-fołk-hurta Irdorath Uładzimira i Nadziei Kałač.

Irdorath padčas adnaho z maršaŭ

Ich abvinavačvajuć u arhanizacyi i padrychtoŭcy dziejańniaŭ, jakija hruba parušajuć hramadski paradak (č. 1 art. 342 KK) i navučańni ci inšaj padrychtoŭcy asob dla ŭdziełu takich dziejańniach, a roŭna finansavańni ci inšym materyjalnym zabieśpiačeńni takoj dziejnaści (č. 2 art. 342 KK), paviedamlajuć pravaabaroncy.

Spravu razhladaje sudździa Alaksandr Jakunčychin, dziaržabvinavaŭca — pamočnik prakurora Volha Jemieljančanka.

Uładzimira i Nadzieju Kałačoŭ i jašče 14 čałaviek zatrymali 2 žniŭnia 2021 hoda na śviatkavańni dnia narodzinaŭ Nadziei.

Spačatku ŭsich vinavacili ŭ niepadparadkavańni supracoŭnikam milicyi (art. 24.3 KaAP) za toje, što nie adčynili varoty doma pad Minskam. A potym stała viadoma, što na šaściarych ź ich zaviali kryminalnyja spravy. Da suda Uładzimir i Nadzieja ŭtrymlivalisia ŭ SIZA №1 Minska.

Pres-słužba MUS paviedamlała, što «ŭ žniŭni minułaha hoda hrupa «dudaroŭ» nieadnarazova ŭznačalvała kałonu pratestoŭcaŭ i z vykarystańniem muzyčnych instrumientaŭ załučała ŭ niesankcyjanavanaje masavaje šeście hramadzian. Pierformans kaardynataraŭ uzmacniaŭ pratesny nastroj udzielnikaŭ i šturchaŭ ich da supraćpraŭnych dziejańniaŭ u dačynieńni da milicyjantaŭ».

Uładzimir Kałač patłumačyŭ u sudzie, što 16 vieraśnia, daviedaŭšyja z sacyjalnych sietak pra marš, pryniaŭ rašeńnie razam z Nadziejaj dałučycca da jaho. Ztelefanavalisia z muzykaj Dźmitryjem Šymanskim (Dźmitryj byŭ zatrymany razam z Kałačami, mužčynu užo asudzili pa art. 342 KK da 3 hadoŭ «chimii»).

«Pakolki my zaŭsiody vystupali i vystupajem suprać hvałtu, uziali z saboj dudy i ŭpryhožyli ich kvietkami, kab padkreślić mirny charaktar šeścia. Sustrelisia kala płoščy Jakuba Kołasa ź siabrami, jakija taksama ŭziali muzyčnyja instrumienty — dudy, hitary, bubny. Padyšli Piotr i Jula Marčanki (palitviaźni, zatrymanyja razam z Kałačami, čakajuć suda).

«Ahresii nijakaj nie było, atmaśfiera śviatočnaja, usie vakoł uśmichalisia. Usie razam prajšlisia praśpiektam Niezaležnaści da płoščy Pieramohi, potym pa Pieramožcaŭ kałona pajšła da Steły. Patrabavańniaŭ i papiaredžańniaŭ ab niezakonnaści akcyi nie čuŭ, bo hučała muzyka. Dalej šlach byŭ pierakryty i ludzi paviarnuli ŭ advarotny bok. Niekalki razoŭ vykonvali kampazicyju Coja «Pieriemien!», a potym razyjšlisia», — patłumačyŭ jon u sudzie.

Pa padziejach 25 kastryčnika Uładzimir Kałač adznačyŭ, heta byŭ vychadny dzień, ludzi išli pa vulicy Janki Kupały i Bahdanoviča, ruch nie pierakryvali. Muzyki išli na pačatku kałony, vykonvali kampazicyi i hramadski paradak nie parušali.

I Uładzimir, i Nadzieja vinu ŭ sudzie pryznali tolki pa častcy pieršaj art. 342, pa častcy druhoj — navučańnie i finansavańnie asob dla hrupavych dziejańniaŭ — nie.

Nadziei Kałač staviacca ŭ vinu try epizody: udzieł u akcyjach pratestu 16 žniŭnia, 6 vieraśnia i 25 kastryčnika.

Pad čas dopytu ŭ sudzie jana kazała, što pra mierapryjemstva daviedałasia z sacyjalnych sietak, viedała, što šmat zatrymlivali ludziej na papiarednich akcyjach, viedała pra hvałt, jaki čyniać siłaviki pry razhonach.

«16 vieraśnia my vyrašyli dałučycca da maršu, ź siabrami pra sustreču papiarednie nie damaŭlalisia, ubačylisia ŭžo na płoščy Jakuba Kołasa. Łozunhaŭ nijakich nie vykrykvała, u dałoni nie plaskała. Uśviadomiła, što prymaju ŭdzieł u niesankcyjanavanym masavym mierapryjemstvie nie adrazu, dy i to ličyła, što heta padlahaje administracyjnaj adkaznaści ŭ horšym vypadku», — kazała jana ŭ sudzie.

Pakazańni Nadziei Kałač mała čym adroźnivajucca ad pakazańniaŭ jaje muža Uładzimira.

Za čas znachodžańnia pad vartaj, a heta čatyry z pałovajaj miesiacy, u jaje pahoršyŭsia stan zdaroŭja, patrebnaje chirurhičnaje ŭmiašalnictva.

Abvinavaŭca zaprasiła muzykam pa 2 hady turmy. Prysud budzie abvieščany ŭ aŭtorak.

Kamientary

Ciapier čytajuć

Tramp pachvaliŭ pinžak i rassypaŭsia ŭ kamplimientach5

Tramp pachvaliŭ pinžak i rassypaŭsia ŭ kamplimientach

Usie naviny →
Usie naviny

Azaraŭ zakryŭ płan «Pieramoha» i pieravioŭ usich udzielnikaŭ u rezierv31

Stała viadoma, kali siońnia adbudziecca sustreča Trampa, Zialenskaha i lidaraŭ ES1

Šoŭmen, futbalist, byŭ suprać biełarusizacyi — raskazvajem pra kiraŭnika Lidy, jaki zakachany ŭ Rasiju16

Zialenski prybyŭ u Vašynhton i zrabiŭ zajavu3

«Kali zachoča, Zialenski moža amal imhnienna skončyć vajnu z Rasijaj» — Tramp napisaŭ novy dopis36

Inžynierny cud koštam $167 miljardaŭ pavinien zrabić Kitaj enierhasamadastatkovym. Voś u čym jaho sutnaść3

Čamu ŭ Vieniery niama takoha spadarožnika jak Miesiac? Bo sutyknieńnie ź inšaj płanietaj pajšło nie pa scenary Ziamli1

Va Ukrainie pakazali novuju dalnabojnuju kryłatuju rakietu «Fłaminha»7

«Kaalicyja zhodnych» hatovaja raźmiaścić vojski va Ukrainie paśla spynieńnia ahniu6

bolš čytanych navin
bolš łajkanych navin

Tramp pachvaliŭ pinžak i rassypaŭsia ŭ kamplimientach5

Tramp pachvaliŭ pinžak i rassypaŭsia ŭ kamplimientach

Hałoŭnaje
Usie naviny →

Zaŭvaha:

 

 

 

 

Zakryć Paviedamić