«Kali pracuješ na dziaržsłužbie — pavinien być prychilnikam dziaržaŭnaj ułady». Ministr kultury znoŭ vykazaŭsia pra palityčnyja zvalnieńni
5 lutaha ministr kultury Anatol Markievič pravodziŭ telefonnuju liniju, na jakoj adkazvaŭ na pytańni nasielnictva. Jak paviedamlaje viedamstva, pastupiła ŭsiaho 5 zvankoŭ. Adna z tych, chto datelefanavaŭsia — minčanka Julija, jakaja paprasiła ŭdakładnieńnia adnosna niadaŭniaha skandalnaha vykazvańnia ministra pra toje, što z ustanoŭ haliny zvolniena bolš za 300 čałaviek «za palityku». Adkaz ministra nadrukavała zerkalo.io.
Minčanka Julija zapytała ŭ Anatola Markieviča, ź jakich mienavita śfieraŭ zvolnili ludziej z-za ich «destruktyŭnaj pazicyi», ci čakać jašče zvalnieńniaŭ. Toj adkazaŭ tak:
«Nie viedaju, dzie vy heta pačuli. Zvalnieńnie i ratacyja kadraŭ siońnia idzie, jak i ŭ luboj śfiery, ničoha tut nie adbyvajecca. Ludzi sychodziać na piensiju, prychodziać maładyja śpiecyjalisty — heta absalutna zakanamierny praces.
A kali ludzi zajmajuć destruktyŭnuju pazicyju, majo hłybokaje pierakanańnie — na pracy ŭ dziaržsłužbie jany znachodzicca nie mohuć».
«Kali pracuješ na dziaržsłužbie — pavinien być prychilnikam dziaržaŭnaj ułady», — ličyć ministr kultury. - Heta majo pierakanańnie. Jano nie źmianiajecca na praciahu mnohich dziesiacihodździaŭ».
Raniej pra bolš čym 300 zvolnienych sa śfiery kultury za hramadskuju pazicyju Markievič kazaŭ 20 studzienia padčas vystupleńnia na «dyjałohavaj placoŭcy» pa abmierkavańni novaj Kanstytucyi ŭ Stoŭbcach. Jahonyja słovy nadrukavała aficyjoznaje vydańnie SB-Biełaruś siehodnia, ale paśla hety materyjał byŭ z sajta haziety čamuści vydaleny i niedastupny da hetaj pary.
Čytajcie taksama:
Minpracy prakamientavała masavyja palityčnyja zvalnieńni. Što jany adkazali?
U Homielskim dramatyčnym teatry — kadravyja čystki. Znoŭ praz «palityku»
Ministr kultury: Bolš za 300 čałaviek z našych kalektyvaŭ «paprasili». I ja liču heta pravilnym
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?7
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8484
Kamientary