Ajcišnika Dźmitryja Padreza asudzili na 7 hadoŭ kałonii za źliŭ źviestak siłavikoŭ
Sudovaja kalehija pa kryminalnych spravach Minskaha haradskoha suda 15 sakavika vyniesła prysud pra spravie palitviaźnia, IT-śpiecyjalista Dźmitryja Padreza (). Mužčyna byŭ zatrymany za pieradaču źviestak supracoŭnikaŭ siłavych viedamstvaŭ telehram-kanału «Čornaja kniha Biełarusi».
Padreza abvinavacili adrazu pa troch artykułach Kryminalnaha kodeksa: č. 3 art. 130 (Raspalvańnie rasavaj, nacyjanalnaj, relihijnaj albo inšaj sacyjalnaj varožaści abo varažniečy), art. 364 (Hvałt albo pahroza ŭžyvańnia hvałtu ŭ dačynieńni da supracoŭnika orhanaŭ unutranych spraŭ) i art. 365 (Umiašańnie ŭ dziejnaść supracoŭnika orhanaŭ unutranych spraŭ).
Sudździa Siarhiej Chrypač prysudziŭ abvinavačanamu 7 hadoŭ kałonii ŭzmocnienaha režymu. Taksama mužčyna pavinien vypłacić na karyść traich paciarpiełych, proźviščy jakich pakul nieviadomyja, 11000 rubloŭ.
Ciapier čytajuć
Prapahandysty pakazali šeść biełarusaŭ, aryštavanych za danaty. Bolšaść ź ich pieravodzili niaznačnyja sumy16
Kamientary