Akcior i komik zajaviŭ, što sychodzić na piensiju i zakančvaje akciorskuju karjeru. Heta adbyłosia padčas intervju Access Hollywood, i žurnalistka nie adrazu zrazumieła, ci surjozna jon.
«Ja sychodžu na piensiju. Ja kažu heta davoli surjozna. Kali, viadoma, raptam anioły pryniasuć mnie niejki scenaryj, napisany załatymi čarniłami, i ja zrazumieju, što ludziam vielmi važna heta ŭbačyć, to, moža, ja i viarnusia», — skazaŭ Kery.
Jon rastłumačyŭ, što vielmi lubić svajo spakojnaje i duchoŭnaje žyćcio. Artyst pryśviaciŭ siabie malavańniu i choča adpačyć ad zdymkaŭ u filmach. «Ja zrabiŭ dastatkova. Mnie ŭžo dastatkova», — dadaŭ Kery.
Kery 60 hadoŭ. Karciny, jakija prynieśli jamu najbolšuju viadomaść, — «Maska», «Ejs Vientura», «Brus Usiemahutny», «Šou Trumana», «Viečnaje źziańnie čystaha rozumu» i «Hrynč — vykradalnik Rastva».
Kamientary