Dniami stała viadoma pra rasijskich vajskoŭcaŭ, jakija adpraŭlali z Mazyra narabavanyja va Ukrainie rečy i techniku. Pahladzieli, kolki kaštuje takaja pierasyłka.
Sałdaty karystalisia kurjerskaj słužbaj SDEK. Bolšaść ź ich rodam z Rubcoŭska, ale jość taksama z Usuryjska, Uljanaŭska, Čyty. U hetyja harady pierasyłalisia sotni kiłahramaŭ rečaŭ.
Pierasyłka z Mazyra da punktu vydačy ŭ Rubcoŭsku kaštuje ad 479 biełaruskich rubloŭ za hruz ad 50 da 200 kiłahramaŭ. Z kurjerskaj dastaŭkaj — ad 1753 rubloŭ. U pieršym vypadku pasyłka budzie iści ad 8 da 12 pracoŭnych dzion, u druhim — 6-9 dzion.
Da Usuryjska za taki ž samy hruz treba vykłaści nie mienš za 479 rubloŭ. Z dastaŭkaj da doma — ad 1997 rubloŭ. Iści pasyłka budzie dva tydni.
Va Uljanaŭsk — ad 480 rubloŭ, z kurjerskaj dastaŭkaj — ad 994 rubloŭ. Pierasyłka zojmie ad 3 da 5 pracoŭnych dzion.
U horad Čyta, adpaviedna, ad 479 i da 2697 rubloŭ. Iści pasyłka budzie ŭ pieršym vypadku 12-14 pracoŭnych dzion, u druhim — tydzień.
Prajekt «Biełaruski Hajun» publikuje piersanalnyja źviestki rasijskich sałdat-maradzioraŭ. Rekardsmien pierasłaŭ dachaty amal paŭtony
«My pryjšli pa svajo, Rasija — moc». Jak žychary rasijskaha Rubcoŭska reahujuć na fakt maradziorstva ziemlakoŭ
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary