Cialat na škłoŭskaj fiermie pieraviali z Coca-Cola na patryjatyčnuju Bieła-Kołu
Chvorych cialat škłoŭskaj haspadarki AAT «Jałavičy-Ahra», jakim raniej davali pa sto hramaŭ Coca-Cola dla baraćby z dyśpiepsijaj, pieraviali na biełaruski anałah haziroŭki — «Bieła-Kołu», piša Sputnik.
Pra ŭdały ekśpierymient stała viadoma kala tydnia tamu: chvorym cialatam vyrašyli davać Coca-Cola pierad ranišnim karmleńniem dla baraćby z zachvorvańniami stravavańnia. Pry hetym u videarepartažy telekampanii «Škłoŭ» žyviołam davali mienavita Coca-Cola.
Kali na fiermu pryjechali karespandenty Sputnik, maładniak paili biełaruskim anałaham amierykanskaj haziroŭki — «Bieła-Kołaj».
«Pavodle słoŭ dyrektara kałhasa, biełaruskaja «Bieła-Koła» bolš efiektyŭnaja ŭ lačeńni cialat, čym zamiežnaja Coca-Cola. Pa składzie i technałohijach što adna, što druhaja plus-minus adnolkavyja, adzinaje adroźnieńnie — u biełaruskaj kole jość kafiein, rastłumačyli na pradpryjemstvie. Cialaty pjuć, i stanoviacca bolš badzioryja», — havorycca ŭ tekście.
Niemałavažny plus biełaruskaj koły — jana krychu tańniejšaja, piša Sputnik. I sankcyi joj nie strašnyja.
Raniej ža miascovy vietdoktarka śćviardžała, što chvoryja žyvioły mienavita paśla zamiežnaj haziroŭki «ažyvajuć na vačach».
Kamientary