Što z hrašyma, jakija Minsktrans patrabuje z pratestoŭcaŭ za pierakryćcio ruchu? Hiendyrektar daŭ łakaničny adkaz
Minsktrans vystaŭlaje pratestoŭcam šalonyja sumy štrafaŭ za vychad na darohu padčas maršaŭ. Na što pradpryjemstva źbirajecca patracić sabranyja hrošy i jakuju sumu jany ŭžo atrymali?
Čytačka «Našaj Nivy» dasłała elektronny zvarot u Minsktrans z hetymi pytańniami. Adkaz pryjšoŭ za podpisam hienieralnaha dyrektara pradpryjemstva Aleha Dziubienki.
«Hrašovyja srodki, spahnanyja sudovymi pastanovami pa iskach prakurora ŭ intaresach pradpryjemstva, pakryvajuć straty, naniesienyja pradpryjemstvu ŭ suviazi z prastojem hramadskaha transpartu z pryčyny niesankcyjanavanych masavych mierapryjemstvaŭ», — sucha pieviedamili ŭ adkazie.
Pytańnie pra sumu, jakuju pradpryjemstva ŭžo spahnała z pratestoŭcaŭ, Minsktrans abyšoŭ, adkazaŭšy, što zapytanaja infarmacyja nie dajecca na padstavie artykułaŭ 6, 17 zakona «Ab infarmacyi, infarmatyzacyi i abaronie infarmacyi», a taksama norm zakona «Ab abaronie piersanalnych danych».
«Jana nie źjaŭlajecca ahulnadastupnaj i zakranaje pravy i zakonnyja intaresy trecich asob», — davodzicca ŭ adkazie.
Pra asobnyja kiejsy paviedamlała «Viasna». Tak, naprykład, dla barabanščyka Alaksieja Sančuka «Minsktrans» acaniŭ škodu ŭ 161 900 rubloŭ. Mužčynu asudzili da 6 hadoŭ kałonii. Jaho abvinavačvali pa artykułach 342 (arhanizacyja dziejańniaŭ, jakija hruba parušajuć hramadski paradak, abo aktyŭny ŭdzieł u ich) i 293 (masavyja biesparadki).
Uładzisłavu Fiodaravu pradpryjemstva vystaviła rachunak zvyš 157 tysiač rubloŭ. Jaho asudzili da dvuch hadoŭ kałonii pa artykułach 342 i 328 (niezakonnaje abaračeńnie narkatyčnych srodkaŭ).
Palitviaźniu Alaksieju Muravickamu — sumu ŭ 71 255 rubloŭ. Jaho asudzili da hoda kałonii, ździejśnienaje im kvalifikavali pa artykule 342.
Dźmitryju Kubaravu vystavili pazoŭ u pamiery 45 tysiač rubloŭ. Mužčynu asudzili da siami hadoŭ kałonii pa artykule 293.
Čytajcie taksama:
U minskim mietro ŭ honar «Hoda histaryčnaj pamiaci» źjavilisia brendavanyja vahony
Šeść biełaruskich sudździaŭ zvolnilisia pa ŭłasnym žadańni
Ciapier čytajuć
«Sił niama, resursaŭ niama, usie stamilisia». Łukašenka zajaviŭ, što vajna va Ukrainie ŭ najbližejšyja miesiacy budzie skončanaja6
«Sił niama, resursaŭ niama, usie stamilisia». Łukašenka zajaviŭ, što vajna va Ukrainie ŭ najbližejšyja miesiacy budzie skončanaja
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha4040
Kamientary