Ajciec Sierhij Hardun pamior siońnia paśla ciažkaj chvaroby.
Jon viadomy najpierš tym, što ŭznačalvaŭ Biblijnuju kamisiju, jakaja zajmałasia pierakładami Śviaščennaha Pisańnia i bohasłužbovych tekstaŭ na biełaruskuju movu. Byŭ vydatnym bibleistam, prafiesaram biełaruskich duchoŭnych navučalnych ustanoŭ.
Siarhiej Hardun naradziŭsia 4 sakavika 1959 hoda ŭ vioscy Dzivin Kobrynskaha rajona. Skončyŭ Minski dziaržaŭny piedahahičny instytut zamiežnych moŭ pa śpiecyjalnaści «nastaŭnik anhlijskaj i francuzskaj moŭ» (1981). Paśla zakančeńnia instytuta pracavaŭ nastaŭnikam anhlijskaj movy ŭ viaskovaj škole.
U 1987 hodzie skončyŭ Maskoŭskuju duchoŭnuju akademiju. U tym ža hodzie paśviečany ŭ san śviatara pad imiem Sierhija. Vykładaŭ u maskoŭskich duchoŭnych škołach, adnak paśla adnaŭleńnia Minskaj duchoŭnaj sieminaryi ŭ 1989 hodzie byŭ pieraviedzieny tudy, staŭ jaje pieršym vučonym sakratarom.
U 2005—2018 hadach — zahadčyk kafiedry bibliistyki i chryścijanskaha vieravučeńnia Instytuta teałohii BDU, sa studzienia 2018 hoda — pieršy prarektar Instytuta teałohii BDU.
Sierhij Hardun vałodaŭ dzieviaćciu movami, u tym liku hrečaskaj, łacinskaj, carkoŭnasłavianskaj, anhlijskaj, francuzskaj, polskaj, ukrainskaj. Jamu davodziłasia słužyć nabaženstvy całkam pa-anhlijsku, moža paraŭnoŭvać svaje pierakłady z tymi, što robiacca na Zachadzie. Byŭ členam Biblejskaj kamisii Biełaruskaj pravasłaŭnaj carkvy pa pierakładzie knih Śviaščennaha Pisańnia Novaha Zapavietu na biełaruskuju movu.
Hladzicie taksama:
Protaijerej Sierhij Hardun: Treba aktyvizavać pracesy biełarusizacyi i ŭ hramadstvie, i ŭ carkvie
Protaijerej BPC Sierhij Hardun: Da škoły ja ruskaj movy naohuł nie čuŭ. Tolki biełaruskuju
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ55
Kamientary