Zialenski źviarnuŭsia da biełarusaŭ: Vy nie raby i nie harmatnaje miasa
U novym videazvarocie prezident Ukrainy Uładzimir Zialenski źviarnuŭsia da biełarusaŭ.
«Chaču źviarnucca da hramadzian Biełarusi: i cyvilnych, i ŭ pahonach. Vas uciahvajuć u vajnu. I navat aktyŭniej, čym heta było ŭ lutym i ŭ viesnavyja miesiacy. U Kramli za vas užo ŭsio vyrašyli, vašy žyćci dla ich ničoha nie kaštujuć.
Ale vy nie raby i nie harmatnaje miasa. Vy nie pavinny pamirać. I vy ŭ siłach nie dać nikomu vyrašać za vas, što vas čakaje dalej», — skazaŭ Zialenski ŭ novym videazvarocie.
«Ja viedaju, što narod Biełarusi padtrymlivaje Ukrainu, jany padtrymlivajuć nas — dakładna nas, a nie vajnu. I mienavita tamu vas usich rasijskaje kiraŭnictva choča ŭciahnuć u vajnu, choča pasiejać nianaviść pamiž nami, — dadaŭ Zialenski. —
Ad prostych ludziej Biełarusi ciapier zaležyć vielmi šmat. I ja viedaju, što vy možacie nie ŭdzielničać u hetaj vajnie. Vašy žyćci naležać tolki vam, a nie kamuści ŭ Kramli».
Kamientary