Sprava artapiedaŭ: za kratami jašče zastajucca niekalki čałaviek, jakija nie mohuć spłacić naličanuju pa drakonaŭskim multyplikatary «škodu»
Bolšaść fihurantaŭ našumiełaj «spravy traŭmatołahaŭ» užo na voli. Za kratami praciahvajuć znachodzicca niekalki čałaviek, jakich kašmarać u karcary i «pres-chatach», zmušajučy pryznać vinu.
Jak viadoma «Našaj Nivie», za kratami pa-raniejšamu niekalki čałaviek, jakija admaŭlajucca pryznavać vinu. Zbolšaha heta tłumačycca tym, što pryznańnie «viny» ciahnie za saboj abaviazak vypłočać naniesienuju škodu pa dziesiacikratnym multyplikatary.
Siarod niekalkich fihurantaŭ, jakija zastajucca ŭ SIZA, jość zahadčyki adździaleńniaŭ.
Tym, chto ŭžo vyjšaŭ, u čakańni suda zabaranili vyjezd z krainy.
Čytajcie taksama: «Sprava traŭmatołahaŭ»: ludzi pradajuć kvatery i damy, kab raźličycca sa śledstvam pa dziesiacikratnym mulciplikatary
Jak viadoma «Našaj Nivie», abvinavačanym pa spravie vystaŭleny dziesiacikratny multyplikatar ad «naniesienaj škody»: u kahości suma vykupu pieravyšaje sotniu tysiač dalaraŭ.
«Niechta, kab raźličycca, vymušany byŭ pradać kvateru, niechta — niedabudavany dom. Tyja, chto nie pryznaŭ vinu i nie spłaciŭ škodu, — pa-raniejšamu siadziać. Adkaz na pytańni rodnych kožny dzień ad śledčych adzin: «Źbirajcie hrošy», — kazali raniej «Našaj Nivie» abaznanyja surazmoŭcy.
Tyja, chto zmoh kampiensavać «škodu», z panižeńniem adpuščanyja na pracoŭnyja miescy.
Raniej my ŭžo ŭ detalach paviedamlali sens kryminalnaj spravy.
Čytajcie taksama: «Sprava traŭmatołahaŭ»: ludziej nie vypuskajuć praz 10 sutak, stali viadomyja detali abvinavačvańnia
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia28
Kamientary
Iz za trusosti vy proŝali im vsio. Iz za trusosti vy jabaťkam vsie proŝali. Vot i połučitie.