Kolki pačak parašku možna było kupić na siaredni zarobak letaś i ciapier? Roźnica kałasalnaja
Paraŭnali ceny na bytavuju chimiju i srodki hihijeny za listapad minułaha hoda i ciapierašnija.
Dezadarant-antypierśpirant Old Spice u listapadzie 2021-ha kaštavaŭ 7,29 rubla. Ciapier cana pavialičyłasia na 67% — da 12,15 rubla.
Taksama padaražeŭ, naprykład, antypierśpirant Dove «Rytuał pryhažości». Byŭ 4,79 rubla, staŭ 10,99.
Zubnaja pasta jašče ŭ listapadzie kaštavała 3,79 rubla. Nabyć jaje ciapier možna za 5,75 rubla.
Cana na šampuń-balzam Head&Shoulders była 7,65 rubla, a ciapier — 14,39.
Źmianiłasia cana i na pralny parašok. U listapadzie 2021-ha kupić Ariel «Vierbiena» (4,5 kh) možna było za 25 rubloŭ, ciapier — za 51. Kapsuły dla prańnia (30 štuk) prybavili ŭ canie 30 rubloŭ — z 28,59 da 59,69.
I navat biełaruski parašok «Mara» dla dziciačaha adzieńnia staŭ daražejšy — 2,65 rubla (za 400 h) zamiest 1,79.
Myła Safeguard kaštavała raniej 1,59 rubla, a ciapier 2,69.
Pahladzim, jak hetyja ceny suadnosiacca z zarobkami. Siaredni zarobak biełarusa «čystymi» ŭ listapadzie, pa danych Biełstata, składaŭ 1269 rubloŭ. U červieni 2022-ha (bolš śviežaj statystyki pakul niama) — 1398 rubloŭ.
U listapadzie na taki zarobak možna było kupić 166 šampuniaŭ ci 44 pački kapsuł dla prańnia z našaj padborki. Ciapier ža — 97 šampuniaŭ ci 23 pački pralnych kapsuł.
Kurs dalara ŭ listapadzie 2021-ha vahaŭsia ad 2,42 da 2,55 rubla. Ciapierašni kurs — 2,59 rubla.
U inšych kramach ceny mohuć adroźnivacca. Naprykład, na siervisie samavyvazu «Jeŭraopta» zhadanyja vyšej pazicyi možna znajści tańniej.
Čamu tak vyraśli ceny na bytavuju chimiju? Z takim pytańniem my źviarnulisia ŭ Ministerstva antymanapolnaha rehulavańnia i handlu.
«Ceny na šampuń, naprykład, nie strymlivajucca ŭ Biełarusi, — adkazali na haračaj linii ministerstva. — Vytvorcy adznačajuć, što padaražeła syravina, materyjały.
Rehulavańnie cenaŭ u Biełarusi jość tolki na tavary pieršaj nieabchodnaści. Naprykład, na zubnuju pastu».
Čytajcie taksama:
Žycharka Homiela źjeździła ź siamjoj u minski akvapark i addała amal 700 rubloŭ
Kolkaść kramaŭ sekand-chend za apošnija hady vyrasła ŭdvaja
Realnyja piensii biełarusaŭ padajuć siomy miesiac zapar
Ciapier čytajuć
Stała viadoma, jak zatrymali byłoha kalinoŭca Maksima Ralko7
Kamientary