Kolkaść sekand-chendaŭ u Biełarusi dasiahnuła adznaki ŭ 1500 kram. Pra heta raspaviała namieśnik ministra antymanapolnaha rehulavańnia i handlu Nina Jemialjanava ŭ efiry telekanała STB.
— Za apošnija hady kolkaść sekand-chend u Biełarusi pavialičyłasia ŭ dva razy. Ich užo amal 1,5 tysiačy.
Jany nie raśli b siamimilnymi krokami, kali b nie byli zapatrabavanyja ŭ nasielnictva — padkreśliła namieśnik ministra.
Nina Jemialjanava adznačyła, što ŭ 2021 hodzie ŭ Biełarusi ŭnieśli źmieny ŭ praviły ažyćciaŭleńnia handlu i zabaranili ŭ sekand-chendach pradavać novyja i ŭžyvanyja futravyja, trykatažnyja i šviejnyja vyraby, a taksama abutak. Dziakujučy hetamu, impart hetych tavaraŭ u studzieni-traŭni 2022 hoda skaraciŭsia bolš čym na 25%.
Namieśnica kiraŭnika MARH taksama źviarnuła ŭvahu na stokavyja kramy, dzie pradajecca pradukcyja viadomych suśvietnych brendaŭ pa zanižanych cenach. Adnak kolkaść hetych bucikaŭ u razy mienšaja, čym «sekandaŭ».
— Stokavych kram u respublicy ŭsiaho 90. Ich kolkaść pavialičyłasia, ale 90 abjektaŭ dla krainy — heta zusim maleńkaja ličba, — padkreśliła śpiecyjalistka.
Kamientary