Voś pa čyim danosie zatrymali dyrektarku turystyčnaha ahienctva «Vijapol»
Zatrymańnie mierkavana adbyłosia siońnia — praź niekalki hadzin paśla paskvilaŭ adnoj prarasijskaj aktyvistki.
Zatrymanaj Halinie Patajevaj 65 hadoŭ. Z 1992 hoda jana pracuje dyrektarkaj turystyčnaha ahienctva «Vijapol». U 1989 hodzie abaraniła kandydackuju dysiertacyju, a z 2006-ha pracavała dacentam na hieafaku BDU.
Kampanija «Vijapol» ładzić tury pa Biełarusi pa roznych napramkach.
Siońnia ranicaj na Halinu Patajevu nakinułasia prarasijskaja błohierka Volha Bondarava. «Bečebešnica i antysavietčyca», — hnieŭna pisała Bondarava.
Aburałasia taksama słovami dyrektarki ahientva pra «Liniju Stalina» — Halina raskazvała ŭ intervju haziecie «Turyzm i adpačynak», što nikoli nie ładziła ekskursij tudy i vystupaje za pierajmienavańnie.
«Napeŭna, u Jeŭropie mała kaho b pryciahnuŭ abjekt pad nazvaj «Linija Hitlera», dyk čamu my hladzim na heta skroź palcy», — kazała žančyna.
U šalenstva Bondaravu pryviali i sacsietki Patajevaj, i toje, što jaje apošnija dopisy byli pa-biełarusku. Prapahandystka zaklikała siłavikoŭ źviarnuć uvahu na kiraŭnicu «Vijapol».
Užo praź niekalki hadzinaŭ HUBAZiK vykłaŭ videa z zatrymanaj dyrektarkaj ahienctva.
Pa słovach siłavikoŭ, žančyna «aktyŭna padtrymlivała ŭdzielnikaŭ masavych biesparadkaŭ» i «zajmałasia raspaŭsiudžvańniem ekstremisckich materyjałaŭ». Ale za što mienavita jaje zatrymali i ci pradjavili štości — nieviadoma.
Ciapier čytajuć
Sakratar Rady biaśpieki zaklikaŭ biełarusaŭ ustrymacca ad pajezdak u Rasiju8
Kamientary