U Biełarusi dabudavali naftapravod, jaki ciapier nie nadta i patrebny
U Biełarusi zaviaršyli budaŭnictva mahistralnaha naftapravoda «Homiel — Horki», jaki złučaje navapołacki zavod «Naftan» i «Mazyrski NPZ». Pra heta raskazaŭ staršynia kancerna «Biełnaftachim» Andrej Rybakoŭ na pasiadžeńni jaho rady, paviedamlaje «Zierkało».
Rašeńnie pra budaŭnictva naftapravoda «Homiel — Horki» praciahłaściu 207 kiłamietraŭ i mahutnaściu 6 młn ton źjaviłasia ŭ krasaviku 2020 hoda. Jon złučaje paŭnočnuju i paŭdniovuju vietki naftapravoda «Družba», a taksama naftapierapracoŭčyja zavody «Naftan» i «Mazyrski NPZ».
Rašeńnie prymałasia na fonie pierabojaŭ u pastaŭkach u Biełaruś rasijskaj nafty. Tady Minsk śpiešna šukaŭ alternatyŭnych pastaŭščykoŭ syraviny paśla taho, jak u Minska i Maskvy ŭźnikła sprečka pa cenavych pytańniach. Na pačatku 2020 hoda Rasija navat na karotki termin spyniała pastaŭki nafty ŭ Biełaruś.
Ułady Biełarusi spadziavalisia, što budaŭnictva naftapravoda «Homiel — Horki» dazvolić dyviersifikavać pastupleńnie nafty ŭ krainu, bo tady alternatyŭnyja pastaŭki nafty išli ŭ asnoŭnym na mazyrski NPZ. Zaviaršyć budaŭnictva płanavali da 2023 hoda, ciapier u płanach da kanca 2022-ha ŭvieści naftapravod u ekspłuatacyju.
Adnak ź ciaham času ŭsio pamianiałasia. Z-za ekanamičnaj i palityčnaj izalacyi, u jakoj z-za vajny va Ukrainie apynulisia Minsk i Maskva, alternatyŭnych krynic dla pakupki nafty ŭ Biełarusi zastałosia vielmi mała.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary