У Беларусі дабудавалі нафтаправод, які цяпер не надта і патрэбны
У Беларусі завяршылі будаўніцтва магістральнага нафтаправода «Гомель — Горкі», які злучае наваполацкі завод «Нафтан» і «Мазырскі НПЗ». Пра гэта расказаў старшыня канцэрна «Белнафтахім» Андрэй Рыбакоў на пасяджэнні яго рады, паведамляе «Зеркало».
Рашэнне пра будаўніцтва нафтаправода «Гомель — Горкі» працягласцю 207 кіламетраў і магутнасцю 6 млн тон з'явілася ў красавіку 2020 года. Ён злучае паўночную і паўднёвую веткі нафтаправода «Дружба», а таксама нафтаперапрацоўчыя заводы «Нафтан» і «Мазырскі НПЗ».
Рашэнне прымалася на фоне перабояў у пастаўках у Беларусь расійскай нафты. Тады Мінск спешна шукаў альтэрнатыўных пастаўшчыкоў сыравіны пасля таго, як у Мінска і Масквы ўзнікла спрэчка па цэнавых пытаннях. На пачатку 2020 года Расія нават на кароткі тэрмін спыняла пастаўкі нафты ў Беларусь.
Улады Беларусі спадзяваліся, што будаўніцтва нафтаправода «Гомель — Горкі» дазволіць дыверсіфікаваць паступленне нафты ў краіну, бо тады альтэрнатыўныя пастаўкі нафты ішлі ў асноўным на мазырскі НПЗ. Завяршыць будаўніцтва планавалі да 2023 года, цяпер у планах да канца 2022-га ўвесці нафтаправод у эксплуатацыю.
Аднак з цягам часу ўсё памянялася. З-за эканамічнай і палітычнай ізаляцыі, у якой з-за вайны ва Украіне апынуліся Мінск і Масква, альтэрнатыўных крыніц для пакупкі нафты ў Беларусі засталося вельмі мала.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары