Nie viedajecie, što pryhatavać na viačeru? Pasprabujcie hety chutki i prosty recept zapiečanaj pasty pad admysłovym sousam z hrybami i viandlinaj.
Fota BBCgoodfood
Vam spatrebicca:
500 h makarony — naprykład, farfale — matylkoŭ
50 h masła
200 h šampińjonaŭ
50 h muki
500 mł małaka
150 h viandliny
150 h ćviordaha syru
pučok zialonaj cybuli
- U vialikim satejniku rastapicie masła. Pakryšycie cybulu i raźmiakčajcie na praciahu adnoj chviliny.
- Dadajcie da cybuli muku i ŭlicie małako. Pieramiešvajcie, pakul nie atrymajecca adnarodnaj sumieś.
- Pavialičcie ahoń i ŭźbivajcie sumieś na praciahu niekalkich chvilin, pakul sous nie zahuścieje.
- Vyklučycie ahoń. Narežcie viandlinu kubikami i natarkujcie syr. Dadajcie syr i viandlinu ŭ sous i pieramiašajcie.
- Absmažvajcie šampińjony na praciahu niekalkich chvilin.
- Advarycie farfale zhodna ź instrukcyjaj na ŭpakoŭcy.
- Vykładzicie farfale i hryby ŭ formu dla vypiakańnia, zalicie sousam i pieramiašajcie. Pasypcie cybulaj i syram.
- Nahrejcie duchoŭku da 180°S. Vypiakajcie pastu na praciahu 10 chvilin da załacistaha koleru.
Smačna jeści!
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!55
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1010
Kamientary