Ekanamisty Ofisa Śviatłany Cichanoŭskaj (OSC) i Asacyjacyi biełaruskaha biznesu za miažoj (AVVA) acanili maštab pierajezdu biełaruskaha biznesu ŭ Jeŭraźviaz. U samoj Biełarusi kolkaść biznesu skaračajecca, ale chutka raście kolkaść kampanijaŭ ź biełaruskim kapitałam, biełaruskich indyvidualnych pradprymalnikaŭ i startapaŭ za miažoj.
U studzieni-červieni 2022 hoda ŭ Biełarusi začynilisia 5779 małych i siarednich biznesaŭ i indyvidualnych pradprymalnikaŭ (-1,6%).
Źniknieńnie biznesu pačałosia ŭ sakaviku 2021 hoda, z taho času ŭ Biełarusi źnikła 9353 subjektaŭ małoha i siaredniaha biznesu i indyvidualnych pradprymalnikaŭ (-2,5%). Dla paraŭnańnia za ŭvieś 2020 hod ich kolkaść vyrasła na 10265 (+2,8%).
Skaračeńnie biznes-aktyŭnaści ŭ Biełarusi moža mieć navat bolšy maštab, pakolki z-za składanaha pracesu likvidacyi firmy ŭ Biełarusi časta nie likvidujucca, a zastajucca biez faktyčnaj dziejnaści abo znachodziacca ŭ stadyi likvidacyi praciahły čas.
Pavodle acenak śpiecyjalistaŭ ekanamičnaj kamandy OSC i AVVA bolej za 2000 kampanij było zarehistravana ŭ Jeŭrapiejskim sajuzie sa žniŭnia 2020 h. da kanca červienia 2022 h., ź jakich bolš za pałovu byli źviazanyja z poŭnaj abo častkovaj rełakacyjaj biznesu ź Biełarusi ŭ ES. Pieravažnaja kolkaść novych kampanij (1639, abo 80%) byli zarehistravanyja ŭ Polščy, kala 200 (10%) źjaviłasia ŭ Litvie, jašče 10% — u inšych krainach Jeŭrasajuza. Biełaruskija pradpryjemstvy ŭ ES — heta pieravažna mały i siaredni biznes, jaki zajmajecca pasłuhami.
Vajna va Ukrainie i novyja sankcyi ŭ dačynieńni da Biełarusi pryśpiešyli praces adtoku biznesu i pradprymalnikaŭ, tamu kolkaść biełaruskaha biznesu ŭ ES praciahvaje imkliva raści ŭ 2022 hodzie. Tolki ŭ červieni kolkaść novazarehistravanych biznesaŭ ź biełaruskim kapitałam u Polščy skłała 254 kampanii.
Rełakacyja nie zaŭsiody adbyvajecca jak pierajezd isnaj kampanii. Časta heta mihracyja indyvidualnych pradprymalnikaŭ, jakija zamarozili abo začynili svaje biznesy ŭ Biełarusi i stvarajuć novyja biznesy ŭ krainach ES, a taksama pierajezd startapaŭ na roznych etapach raźvićcia.
Ekanamisty acanili, što kolkaść biełaruskich indyvidualnych pradprymalnikaŭ i startapaŭ ź biełaruskimi karaniami ŭ ES sa žniŭnia 2020 h. pa červień 2022 h. pavialičyłasia na kala 2000 adzinak.
Takim čynam, sa žniŭnia 2020 h. pa červień 2022 h. sukupny patencyjał dziełavoj supolnaści Biełarusi ŭ ES pavialičyŭsia na prykładna 4000 adzinak roznaha maštabu i arhanizacyjna-pravavoj formy. Nakolki heta šmat? Kali paraŭnać z ahulnaj kolkaściu pryvatnych firmaŭ i pradprymalnikaŭ, što dziejničajuć u Biełarusi, to heta zusim mała, kala 1%. Biełaruski biudžet pakul nie adčuvaje stratu ad tych, chto źjechaŭ, bo i pradprymalniki, i małyja, i siarednija firmy sioleta za paŭhoda zapłacili stolki ž padatkaŭ, jak i hod tamu. A ahułam u 2021 hodzie jany zapłacili padatkaŭ navat bolej, čym u 2020 hodzie.
Prablema ŭ tym, što temp rostu kolkaści biełaruskaha biznesu ŭ ES zastajecca vysokim, to-bok za ŭvieś 2022 hod kolkaść biełaruskich kampanij i pradprymalnikaŭ u Jeŭropie istotna vyraście. Naściarožvaje taksama toje, što razam z rełakacyjaj biznesu ź Biełarusi źjazdžajuć vysokakvalifikavanyja pracaŭniki, admietnyja prafiesijanały, mieniedžary dy ŭłaśniki biznesu.
Efiekty adtoku kadraŭ Biełaruś adčuje z časam, miž inšym i praz pamianšeńnie pryvatnych inviestycyj i pamianšeńnie inavacyjnych tavaraŭ sa znakam «Zroblena ŭ Biełarusi».
Zatrymali minskaha biznesoŭca — uładalnika kłuba «Mulen Ruž»
Minzdaroŭja prypyniła dziejnaść minskaj kliniki «Miersi», jakaja ličyłasia praŭładnym biznesam
Pačuła zaklik uładaŭ i pajechała padymać małuju radzimu. Ciapier źviartajecca da Łukašenki, bo da astatnich užo źviartałasia
Ciapier čytajuć
Łukašenka daručyŭ Ryžankovu pačać pieramovy ź litoŭcami8
Kamientary