Minzdaroŭja prypyniła dziejnaść minskaj kliniki «Miersi», jakaja ličyłasia praŭładnym biznesam
Ministerstva achovy zdaroŭja razhledzieła pytańnie ab vykanańni zakanadaŭstva ab achovie zdaroŭja, licenzavańni, sanitarna-epidemijałahičnym dabrabycie nasielnictva ŭ TAA «Klinika «Miersi». Pa vynikach było pryniata rašeńnie — dziejnaść kliniki z 26 vieraśnia prypynienaja. Pra heta paviedamlaje pres-słužba Minzdaroŭja.
Pryčynaj dla takoha rašeńnia nazyvajuć ️ hrubyja parušeńni licenzijnych patrabavańniaŭ i ŭmoŭ, fakty nievykanańnia kliničnych pratakołaŭ dyjahnostyki i lačeńnia, zaćvierdžanych Ministerstvam achovy zdaroŭja, parušeńni ŭ praviadzieńni miedycynskich ahladaŭ, arhanizacyi i praviadzieńni ekśpiertyzy časovaj niepracazdolnaści, ️ parušeńni ŭ arhanizacyi i akazańni nieadkładnaj miedycynskaj dapamohi, ️ parušeńni ŭ śfiery abaračeńnia lekavych srodkaŭ, ️a taksama parušeńni sanitarna-epidemijałahičnych patrabavańniaŭ, sanitarnych normaŭ, praviłaŭ i hihijeničnych narmatyvaŭ.
Miedcentr hety zusim novy, jon adkryŭsia 28 studzienia 2021 hoda pa adrasie Ihnacienki, 8 (niedaloka ad haścinicy «Viktoryja» i muzieja VAV). Paśla «spravy artapiedaŭ» mienavita klinika «Miersi» stała adzinaj, u jakoj stavili impartnyja sustavy.
Cikava toje, što hetuju kliniku źviazvali z uładnymi intaresami. Tak, žurnalisty «Biełaruskaha naśledavalnaha centra» niadaŭna vyśvietlili, što ŭ kliniki «Miersi» čatyry ŭładalniki, jakija majuć u biznesie roŭnyja doli. Heta Maksim Turaŭ, Ludmiła Niaronskaja, Natalla Karatkievič i kampanija «Hruzavaja słužba». Pamiž saboj ich źviazvaje nie tolki klinika, ale i inšy biznes, a taksama suviazi z «nabližanymi» da Alaksandra Łukašenki biznesoŭcami i znajomstva sa starejšym synam Łukašenki Viktaram.
Čytajcie taksama:
«Zamiest «Łade». Supracoŭnikaŭ JERAM staŭ absłuhoŭvać «Miersi», ułaśnikaŭ jakoha źviazvajuć ź siamjoj Łukašenki
-
Ivan Prus raskazaŭ, jak nažyŭsia na 200 dalaraŭ, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata
-
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
-
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1010
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata10
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary