Adkaz budzie, jakoha nie čakajuć. Kiraŭnik abaronnaha kamiteta Dziarždumy RF prakamientavaŭ vybuch na Krymskim moście
Kali za padryvam Krymskaha mosta sapraŭdy staić ukrainski bok, to Rasijaj budzie dadzieny adkaz, jaki «jany ŭsie adčujuć». Pra heta «Viedamaściam» zajaviŭ kiraŭnik kamiteta Dziarždumy pa abaronie hienierał-pałkoŭnik Andrej Kartapołaŭ.
Jon skazaŭ, što Pucin pastaviŭ zadaču razabracca ŭ tym, što zdaryłasia, stvoranaja śpiecyjalnaja kamisija. «Potym buduć nazvanyja vinavatyja. Kryminalnaja sprava zaviedzienaja pa fakcie ŭčynieńnia padryvu mosta. A padryŭ — heta teraryzm», — kaža Kartapołaŭ.
Na pytańnie pra toje, ci budzie Maskva adkazvać, «kali vyśvietlicca, što za teraktam staić Kijeŭ», Kartapołaŭ adkazaŭ, što «adkaz budzie».
«A jaki adkaz budzie, my z vami daviedajemsia. Naš prezident i viarchoŭny hałoŭnakamandujučy nikoli nie robić toje, što ad jaho čakajuć «partniory». Jon robić toje, što ad jaho nie čakajuć. Heta budzie toje, što jany ŭsie adčujuć», — zajaviŭ kiraŭnik abaronnaha kamiteta.
U subotu kala šaści ranicy na Krymskim moście adbyŭsia vybuch. Na moście znachodzilisia fura i lehkavy aŭtamabil, jaki abhaniaŭ jaje. U hety ž čas pa čyhunačnaj častcy mosta prachodziŭ sastaŭ z vahonaŭ-cysternaŭ. Z-za vybuchu cysterny z palivam zaharelisia. Dva praloty mosta ruchnuli.
Pavodle rasijskich krynic, aŭtamabilny i čyhunačny ruch na moście siońnia byli adnoŭlenyja. Nakolki ŭpaŭ trafik, nie paviedamlajecca.
-
Siem budysckich manachaŭ, u tym liku rasijanin, zahinuli praz padzieńnie kabiny kanatnaj darohi na Šry-Łancy
-
Turcyja nakiravała samalot-radyjołakacyjny kompleks u Litvu na fonie parušeńniaŭ pavietranaj prastory z boku Rasii
-
Palicyja Ńju-Jorka nie puskała na vulicy Manchetana Erdahana, pakul tam jechaŭ kartež Trampa
Ciapier čytajuć
Cichanoŭski patłumačyŭ, čamu jon tak pavodziŭ siabie ŭ Ńju-Jorku47
Kamientary