Dniami Biełstat apublikavaŭ statystyku, jakaja tyčycca demahrafična-pałavoha padziełu nasielnictva ŭ biełaruskich rehijonach. Pavodle jaje, u pieravažnaj bolšaści haradoŭ bolš žančyn, i tolki ŭ čatyroch — Astraviec, Ivacevičy, Vidzy i Škłoŭ — pieravažajuć mužčyny. Čamu tak jość mienavita ŭ Škłovie, vykazała mierkavańnie vydańnie Orsha.eu.
Samo toje, što ŭ cełym pa krainie mužčyn mienš (žančyn — 46,2% ad usiaho nasielnictva), — nie dziŭna. Taki nievialiki pierakos u bok žančyn nazirajecca ad pačatku viadzieńnia statystyki. Ale dziŭna, što niekatoryja harady vybivajucca z hetaj statystyki, i heta jaŭna musić niečym tłumačycca.
Naprykład, u Astraŭcy možna mierkavać, što rost mužčynskaha nasielnictva adbyŭsia paśla budaŭnictva atamnaj elektrastancyi, jakaja zapatrabavała šmat maładych śpiecyjalistaŭ. «Ale čamu Škłoŭ? — zadajecca pytańniem Orsha.eu. — U Škłovie niama niejkich čysta mužčynskich vialikich pradpryjemstvaŭ».
Pradpryjemstvaŭ sapraŭdy niama, ale zatoje jość vializnaja kałonija. I kałonija heta mužčynskaja. Vidać, mienavita za košt jaje mužčynskaha nasielnictva ŭ hetym horadzie bolš, čym žanočaha, robić dapuščeńnie vydańnie.
«Tamu, na žal, žančynam radavacca nie prychodzicca. Viadoma, čysta pa ličbach tut mužčyn moža chapić na ŭsich, ale na praktycy mužčyny hetyja adździelenyja ad žančyn ścianoj i kalučym drotam», — kanstatuje Orsha.eu.
Varta dadać, što ŭ inšym horadzie z čatyroch, u jakim siarod nasielnictva pieravažajuć mužčyny, Ivacevičach, taksama jość VK-5 — mužčynskaja kałonija strohaha režymu.
Čytajcie taksama:
Usiaho ŭ čatyroch biełaruskich haradach mužčyn bolš, čym žančyn
-
«Pra niešta my nie havorym, pamoŭčvajem». Łukašenka ź ciažkaściu havaryŭ, ale nastrojvaŭ hienierałaŭ na baraćbu za mir da apošniaj kropli kryvi
-
Biełaruski internet pad botami: jak ich raspaznavać i što ź imi robiać
-
Dobkin: Šmat havorać, kolki rabotnikaŭ ŠI zrobić niepatrebnymi, ale ž kolki novych spraŭ i prac jon dazvolić stvaryć?
Kamientary
Nie samcouski, a alfa-samcouski.