Stratehična važnyja pradpryjemstvy, źviazanyja z Kanstancinam Ževaham, Iharam Kałamojskim, Viačasłavam Bahusłajevym i Kanstancinam Hryharyšynym, pierachodziać va ŭłasnaść dziaržavy.
Jak piša «Ekanamičnaja praŭda», 6 listapada Nacyjanalnaja kamisija Ukrainy pa kaštoŭnych papierach i fondavym rynku pryniała rašeńnie ab zabieśpiačeńni prymusovaha adčužeńnia va ŭłasnaść dziaržavy akcyj PAT «Ukrnafta», PAT «Ukrtatnafta», AT «Mator Sič», PAT «AŭtaKrAZ» i PAT «Zaparožtransfarmatar». Takim čynam, rehulatar dazvoliŭ śpisańnie akcyj nazvanych pradpryjemstvaŭ z rachunkaŭ pryvatnych asob va ŭłasnaść Ukrainy.
Kampanijam Kałamojskaha va «Ukrnafcie» naležyć kala 42% akcyj. Dziaržavie ŭ asobie NAK «Naftahaz» da hetaha naležali 50% plus 1 akcyja. Uładalnikami inšych akcyj źjaŭlajucca minarytarnyja akcyjaniery.
«Ukrnafta» źjaŭlajecca najbujniejšaj naftazdabyvajučaj kampanijaj Ukrainy. Va «Ukrtatnafcie» dnieprapiatroŭski aliharch sumiesna z partnioram Hienadziem Bahalubavym vałodaje kala 60%. Inšyja — u NAK «Naftahaz». Klučavym aktyvam «Ukrtatnafty» źjaŭlajecca Kramiančucki naftapierapracoŭčy zavod, jaki ŭ mai vyvieli z ładu rasijskija rakietnyja abstreły.
Da niadaŭniaha času ŭładalnikam «Mator Sič» byŭ Viačasłaŭ Bahusłajeŭ, jaki ŭ 2017 hodzie pradaŭ 56% akcyj kampanii kitajskamu chołdynhu Beijing Skyrizon Aviation Industry Investment Co Ltd. Z-za najaŭnaści parušeńniaŭ, u pryvatnaści pa vykanańni antymanapolnaha zakanadaŭstva, apieracyi z akcyjami «Mator Sičy» byli zabłakavanyja, a paśla — aryštavanyja. Bahusłajeva ŭ kastryčniku aryštavali, abvinavaciŭšy ŭ dziaržaŭnaj zdradzie.
Kampanija «AŭtaKrAZ» uvachodzić u hrupu «Finansy i kredyt» źbiehłaha aliharcha Kanstancina Ževahi. Pradpryjemstva zajmajecca vyrabam vielikahruznych aŭtamabilaŭ. «Zaparožtransfarmatar» — pradpryjemstva-bankrut, jakoje vyrablaje transfarmatarnaje i reaktarnaje abstalavańnie. Jaho ŭładalnikam źjaŭlajecca Kanstancin Hryharyšyn.
Pakul nieviadoma, ci budzie pieradača akcyj hetych pradpryjemstvaŭ kampiensavacca ich byłym ułaśnikam i minarytarnym akcyjanieram.
-
U Rasii paśla ŭdaraŭ dronaŭ harać Navakujbyšaŭski naftapierapracoŭčy zavod u Samary i hazapierapracoŭčy zavod u Arenburhu
-
Žurnalisty padličyli, kolki spatrebiłasia b času Rasii pry ciapierašnich tempach na poŭnuju akupacyju Ukrainy
-
Vyjšaŭ repartaž pra čatyroch biełarusaŭ, jakija vajujuć za Ukrainu ŭ minamiotnym raźliku na Charkaŭščynie
Ciapier čytajuć
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary