Niadaŭna Maryja Kaleśnikava, asudžanaja da 11 hadoŭ kałonii, atrymała try spahnańni ad administracyi homielskaj žanočaj kałonii: za znachodžańnie ŭ pracoŭny čas nie ŭ tym miescy i za niavietlivy zvarot ź jaje boku, paviedamlaje telehram-kanał Viktara Babaryki.
22 listapada advakat Kaleśnikavaj sprabavaŭ trapić da jaje, kab daviedacca pra jaje stan, pierakanacca, što jaje nie źbivajuć, nie ździekujucca ź jaje. Ale supracoŭniki kałonii nie prapuścili advakata, zajaviŭšy, byccam ad Maryi nie było adpaviednaj zajavy. Jak adznačajuć u pres-słužbie, zvyčajna Kaleśnikava piša takuju zajavu kožny raz prosta na sustrečy z advakatam i ŭručaje supracoŭniku pa jaje zakančeńni.
Administracyja kałonii ŭvieś čas ciśnie na Maryju, astatnim žančynam, pa słovach byłych źniavolenych, navat zabaroniena ź joj kamunikavać.
Niežyvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB6
Kamientary