U novy sankcyjny śpis ES mohuć trapić Mikita Michałkoŭ i Ryhor Leps
Prapahandyst Barys Karčeŭnikaŭ, błohier Dźmitryj «Hoblin» Pučkoŭ, kinarežysior Mikita Michałkoŭ, śpiavak Ryhor Leps, mahčyma, trapiać pad sankcyi ES. Pra heta paviedamlaje vydańnie EUObserver, jakoje aznajomiłasia z prajektam novaha pakieta sankcyj.
Prajekt dziaviataha pakieta sankcyj ES suprać RF uklučaje abmiežavańni ŭ dačynieńni da 144 fizičnych asob, u tym liku znakamitaściaŭ, błohieraŭ i televiadučych, adkaznych za prarasijskuju prapahandu. Pra heta paviedamlaje vydańnie EUObserver, jakoje aznajomiłasia z prajektam dakumienta.
Tak, EUObserver anansuje sankcyi suprać televiadučych Barysa Karčeŭnikava, Maryny Kim i Siarhieja Michiejeva, śpievaka Ryhora Lepsa, błohiera Dźmitryja «Hoblina» Pučkova, režysiora Mikity Michałova, a taksama siamji biznesoŭca Juryja Kavalčuka.
Abmiežavańni zakranuć piaciarych kiraŭnikoŭ telekanałaŭ Ren TB i «TB-Naviny». U NTB/NTB-Mir, «Rasija-1» i Ren TB adkličuć licenzii na viaščańnie ŭ krainach ES, paviedamlaje EUObserver.
Akramia taho, ułady ES źbirajucca zamarozić jeŭrapiejskija aktyvy Usierasijskaj dziaržaŭnaj tele– i radyjoviaščalnaj kampanii i «Nacyjanalnaj Miedyja Hrupy».
7 śniežnia Jeŭrakamisija anansavała dziaviaty pakiet sankcyj suprać Rasii. Ranicaj 12 śniežnia kiraŭnik dypłamatyi ES Žazep Barel adznačyŭ, što ministry zamiežnych spraŭ krain Jeŭrasajuza majuć roznaje mierkavańnie z nahody novych sankcyj. Im treba damahčysia zhody pa šerahu pytańniaŭ, što budzie niaprostaj zadačaj, adznačaŭ Barel.
U hety ž dzień, pa danych TASS, kiraŭniki źniešniepalityčnych viedamstvaŭ ES nie zmahli ŭzhadnić dziaviaty pakiet sankcyj, prajekt viarnuli na razhlad pastajannych pradstaŭnikoŭ.
Ciapier čytajuć
Biełarus raptoŭna i biez daj pryčyny źnik u 2006 hodzie, a praz 19 hadoŭ znajšoŭsia ŭ vioscy pad Smalenskam2
Kamientary