Śviet staić na miažy hłabalnaha infarmacyjnaha kryzisu: chutka čałaviectvu nie budzie ŭ čym trymać infarmacyju
Vučonyja papiaredžvajuć, što da 2025 hoda kolkaść usioj infarmacyi na Ziamli vyraście na 300%, i ŭ čałaviectva niama techničnych mahčymaściaŭ zachoŭvać uvieś hety hihancki masiŭ infarmacyi.
Hetyja drennyja naviny pryjšli ad navukoŭcaŭ z Astanskaha ŭniviersiteta ŭ Brytanii. Ciapier jany sprabujuć raspracavać płan vychadu z hetaha kryzisu, pry jakim nie treba było b stvarać jašče bolš siervieraŭ, jakija i tak spažyvajuć užo 1,5% suśvietnaj elektraenierhii, piša Daily Mail.
Kab dać rady hetaj zadačy, vučonyja stvarajuć novuju technałohiju čypaŭ z kanałami, šyrynia jakich składzie mienš za 5 nanamietraŭ — u 10 tysiač razoŭ mienš, čym šyrynia čałaviečaha vołasa.
Doktar Met Dery, kiraŭnik prajekta, raskazvaje pra jaho tak: «Prostaje budaŭnictva novych centraŭ apracoŭki danych, kali nie palapšać technałohiju zachoŭvańnia danych, nie vyjście. My ŭsio čaściej sutykajemsia z ryzykaj tak zvanaha kryzisu zachoŭvańnia danych, i patrebnyja palepšanyja rašeńni dla zachoŭvańnia infarmacyi, kab iści ŭ nahu z patrabavańniami sučasnaści».
Pavodle spravazdačy International Data Corporation, nastupstvam usio bolšaj zaležnaści ad danych budzie biaskoncaje pavieličeńnie kolkaści infarmacyi va ŭsim śviecie. Kali aceńvać jaje pamier u zietabajtach, u 2019 hodzie ŭ śviecie było 45 zietabajtaŭ infarmacyi, ale da 2025 hoda jaje kolkaść pavialičycca da 175 zietabajtaŭ. Adzin zietabajt — heta tryljon hihabajtaŭ.
U spravazdačy International Data Corporation tłumačycca: «Kali b vy mahli zachoŭvać usiu hłabalnuju śfieru infarmacyi na DVD, u vas byŭ by stosik adnasłojnych dyskaŭ Blu-ray, jakich chapiła b, kab 23 razy dabracca da Miesiaca abo 222 razy ablacieć Ziamlu». Rezki rost kolkaści infarmacyi niepaźbiežny, i Dery z kamandaj spadziajucca prydumać, jak jaje zachoŭvać, pakul čas jašče jość.
Doktar Amit Kumar Sarkar, jaki niadaŭna dałučyŭsia da kamandy, tłumačyć heta tak: «My budziem vykarystoŭvać pieradavyja zdabytki chimii palimieraŭ dla pavieličeńnia abjomu danych, jakija možna raźmiaścić na nośbitach. Kali pavysić efiektyŭnaść technałohij, što ŭžo isnujuć, heta značna źnizić patrebu ŭ darahim i škodnym dla navakolnaha asiarodździa budaŭnictvie novych miehacentraŭ apracoŭki danych. Nastupnyja try hady buduć vyrašalnymi».
Čytajcie taksama:
Fiziki tłumačać, što budzie dalej paśla praryvu ŭ termajadziernym sintezie
Demanstracyja pratatypa «pieršaj ŭ śviecie štučnaj matki» vyklikała abureńnie
Novaja technałohija z naniasieńniem nanatonkaha płasta zołata praduchilić zapacieńnie akularaŭ
-
Jon nahadvaje marskoha skata: amierykanski startap stvaryŭ samalot biez zvykłych kryłaŭ i iluminataraŭ, jaki moža stać novaj staronkaj u avijacyi
-
Asteroid, jaki źniščyŭ dynazaŭraŭ, moh vyklikać pažary pa ŭsioj płaniecie
-
Jak śpiakota padčas ciažarnaści i ŭ pieršyja miesiacy žyćcia moža ŭpłyvać na raźvićcio mozhu dziciaci
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali6
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2727
Kamientary