Novaja technałohija z naniasieńniem nanatonkaha płasta zołata praduchilić zapacieńnie akularaŭ
A taksama dapamoža trymać čystym łabavoje škło ŭ vašym aŭto.
Heta bolš čym niepryjemna, kali vašy akulary zapacieli, — prosta spytajciesia ŭ luboha, chto nasiŭ masku dla tvaru za apošnija dva hady pandemii. Adnak nieŭzabavie nanatechnałohii dapamohuć zachavać škielcy čystymi. Daśledčyki z ETH Zurich raspracavali załatoje nanapakryćcio, jakoje nahravaje škło da tempieratury prykładna da 8℃, pahłynaje vialikuju kolkaść infračyrvonaha vypramieńvańnia i nie daje akularam zapacieć u vilhotnych umovach. I ŭ adroźnieńnie ad zvyčajnych padychodaŭ, jakija prosta zmahajucca z vadoj z dapamohaj hidrafilnych malekuł, novaja technałohija praduchilaje navat pačatak kandensacyi.
Pakryćcio taŭščynioj 10 nm źmiaščaje zołata pamiž płastami aksidu tytana, jaki nie tolki ŭzmacniaje efiekt nahravańnia praz prałamleńnie, ale i abaraniaje zołata ad znosu. Kanstrukcyja taksama nie pryviadzie da pierahrevu ŭ ciopłaje nadvorje, bo jana praduchilaje traplańnie promniaŭ na inšy bok. Daśledčyki padkreślivajuć, što jany zrabili pakryćcio z vykarystańniem mietadaŭ, zvyčajnych dla vytvorčaści. Takim čynam, kampanijam, chutčej za ŭsio, navat nie daviadziecca madernizavać svaje vytvorčyja linii.
Adkazvajučy na naturalnaje pytańnie, jakoje moža ŭźniknuć nakont cany, Engaget piša, što heta nie tak doraha, jak možna padumać. Choć zołata i darahi materyjał, jaho nieabchodnaja kolkaść nastolki małaja (patrebny płast, prykładna ŭ 12 razoŭ tančejšy za zvyčajnuju pazałotu), što jano nie pavinna značna pavialičvać košt vašych akularaŭ. Tym nie mienš, kamanda płanuje vyvučyć vykarystańnie inšych mietałaŭ.
Technałohiju chočuć vykarystać nie tolki ŭ akularach. Daśledčaja hrupa ličyć, što nanapłast budzie karysnym dla pamianšeńnia «tumanu» na łabavym škle aŭtamabilaŭ, a taksama dla lusterkaŭ, voknaŭ i mnohich inšych prazrystych pavierchniaŭ.
I ŭsio ž — mahčyma, vam pryjdziecca pačakać niekatory čas, pierš čym znajści akulary z pazałočanym pakryćciom u miascovaj kramie. Niahledziačy na toje, što pieršaadkryvalniki padali zajaŭku na patent, pakul niama kampanij, jakija vystrojvajucca ŭ čarhu, kab pieraniać vynachodnictva.
-
Kitajskaja kampanija prezientavała pieršaha poŭnapamiernaha robata-humanoida, jaki adčuvaje dotyk i biehaje marafony
-
Kampanija OpenAI pryniała rašeńnie kančatkova adklučyć svaju papularnuju madel štučnaha intelektu ChatGPT-4o
-
Kaniec epochi całkam biaspłatnaha ŠI? U ChatGPT źjaŭlajecca rekłama, i voś jak jana budzie vyhladać
Ciapier čytajuć
«Dziela svaich dzietak, kab da ich viarnucca». Daškievič raskazaŭ, jak trapiŭ u «nizki status» i napisaŭ prašeńnie ab pamiłavańni8
Kamientary
jakija tolki šče bolš zamutniajuć škło )