«Heta nie naš čałaviek». «Bajpoł» abvierh suviaź z uradžencam Kryma, jakoha nibyta šukajuć u suviazi z dyviersijaj u Mačuliščach
«Heta nie naš čałaviek», — skazaŭ kiraŭnik BYPOL Alaksandr Azaraŭ «Našaj Nivie».
U internecie raspaŭsiudžvajucca aryjenciroŭki na Švieca Mikałaja Uładzimiraviča 1993 hoda naradžeńnia, jakija nibyta rassyłajucca pa rajadździełach MUS i navat pa adździełach MNS.
U adździele ŭnutranych spraŭ Homielskaha rajvykankama žurnalistcy «Zierkała», jakaja patelefanavała tudy jak zvyčajnaja hramadzianka, paćvierdzili, što padobnaha čałavieka sapraŭdy šukajuć.
U toj ža čas kanał «MotolkoPomohi» źviartaje ŭvahu, što da aryjenciroŭki, jakuju ŭvieś dzień raskidvajuć pa čatach, jość šerah pytańniaŭ. U roznych čatach i kanałach možna znajści minimum 5—6 viersij jaje.
«Kali heta sapraŭdy realnaja papiera na vyšuk mužčyny, jaki «ździejśniŭ asabliva ciažkaje złačynstva ŭ h. p. Mačuliščy», to čamu danyja roznyja? U adnoj pakazany koler mašyny, u druhoha — niama, u treciaj «vyznačajecca». I kolkaść znakaŭ u numary aŭto ŭ roznych aryjenciroŭkach to 7 (5 KS 5513), to 8 (5 KST 5513)? Ale hałoŭnaje, što kidajecca ŭ vočy, niejki Mikałaj adrazu akazaŭsia «vychadcam z Kryma», — adznačaje «MotolkoPomohi».
U kožnym razie, «heta nie naš čałaviek», — skazaŭ kiraŭnik BYPOL Alaksandr Azaraŭ «Našaj Nivie».
Łukašenkaŭskija ŚMI, prapahandysty i sam jon dahetul nijak nie prakamientavali infarmacyju pra vybuchi na aeradromie ŭ Mačuliščach — adkaznaść za ich uziała inicyjatyva biełaruskich siłavikoŭ suprać dyktatury «Bajpoł». «Bajpoł» śćviardžaje, što biełaruskija padpolščyki vyvieli z ładu miehakaštoŭny samalot dalokaj raźviedki koštam 330 miljonaŭ dalaraŭ.
Čytajcie taksama:
«Žestačajšaj dyscypliny!» Łukašenka adčytaŭ kiraŭnictva siłavoha błoku. Chrenin siadzieŭ jak myła źjeŭšy
Rasijski samalot A-50 u Mačuliščach moža być surjozna paškodžany — pra heta śviedčyć adna detal
U Kramli admovilisia kamientavać ataku na rasijski samalot u Biełarusi
«Samym składanym była evakuacyja». Azaraŭ pra padrabiaznaści padryvu rasijskaha samalota ŭ Mačuliščach
U roznych rajonach krainy z ranicy stajać pasty DAI, praviarajuć mašyny
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary