U roznych rajonach krainy z ranicy stajać pasty DAI, praviarajuć mašyny
Paśla padryvu kaštoŭnaha rasijskaha samalota A-50 u Mačuliščach, siłaviki praciahvajuć pošuki datyčnych da dyviersii.
«Motolko Pomohi» paviedamlaje, što na biahučy momant pasty DAI stajać u
— Hancavičach;
— rajonie Mačuliščaŭ;
— Pinskim rajonie (trasa R-147);
— Barysaŭskim rajonie (trasa R-53 pamiž Žodzinam i Barysavam);
— Stolinskim rajonie (v. Bieražnoje).
Pa Pinskim rajonie, uzdoŭž trasy R-147, jakaja viadzie da KPP «Nieviel», pasty ŭ kožnaj vioscy, jeździć DAI. Jość jak vajskoŭcy, tak i milicyja. Ludziej spyniajuć i dahladajuć.
Učora «Naša Niva» paviedamlała, što pahraničniki ŭzmacnili achovu hranicy. Łukašenkaŭcy ličyli, što dyviersiju ažyćciaviła ŭkrainskaja dyviersijna-raźviedvalnaja hrupa, jakaja zajšła na terytoryju Biełarusi.
«Nahnali ludziej, pilnujem kožny kiłamietr, kab nie dać viarnucca va Ukrainu mahčymaj DRH», — ananimna paviedamiŭ «Našaj Nivie» surazmoŭca z Pamiežnaha kamiteta.
Kanał «Biełaruś za MKADam» dapaŭniaje, što ŭzmocnienyja patruli DAI i vajskoŭcaŭ z aŭtamatami vystaŭleny i ŭ Stolinskim rajonie, u rajonie vioski Bieražnoje za 30 kiłamietraŭ ad miažy z Ukrainaj.
Nahadajem, učora rankam kala 9-j ranicy na aeradromie byli čutnyja dva vybuchi. Paviedamlałasia, što paciarpieŭ vielmi kaštoŭny rasijski samalot dalokaj raźviedki DRŁV A-50, jon byŭ padarvany ŭ dvuch miescach. Usiaho takich samalotaŭ u Rasii, spraŭnych i niaspraŭnych, dzieviać. Jon vykarystoŭvaŭsia dla naviadzieńnia rasijskich rakiet na celi va Ukrainie.
Kiraŭnik abjadnańnia BYPOL Alaksandr Azaraŭ paviedamiŭ, što rasijski samalot A-50 atakavali z pavietra. Napad z dapamohaj dvuch dronaŭ učynili ŭdzielniki płana «Pieramoha», jany ciapier u biaśpiecy.
Samalot u Mačuliščach atakavali dvuma dronami biełarusy, udzielniki płana «Pieramoha» — Azaraŭ
Ciapier čytajuć
Udava Mikity Miełkaziorava ŭpieršyniu publična raskazała pra noč jaho śmierci7
Udava Mikity Miełkaziorava ŭpieršyniu publična raskazała pra noč jaho śmierci
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary