Vialikabrytanija zabłakavała tranślacyju vystupu Lvovaj-Białovaj u Radzie Biaśpieki AAN słovami «Chaj vystupaje ŭ Haazie»
U sieradu ŭpaŭnavažanaja ŭ pravach dziciaci pry prezidencie Rasii Maryja Lvova-Białova, abvieščanaja ŭ vyšuk Mižnarodnym kryminalnym sudom u Haazie razam z samim Uładzimiram Pucinym, pavinna vystupić na pasiadžeńni Rady Biaśpieki AAN, dzie ŭ hetym miesiacy staršyniuje Rasija. Mienavita rasijskaja delehacyja arhanizavała niefarmalnaje pasiadžeńnie na temu «evakuacyi dziaciej z zony kanfliktu» i zaprasiła Lvovu-Białovu, paviedamlaje Radyjo Svaboda.
Adnak Vialikabrytanija nastajała na tym, kab nijakaj videatranślacyi hetaha pasiadžeńnia nie było, paviedamiła brytanskaja delehacyja ŭ tvitar-akaŭncie. Brytanski pasoł taksama admoviłasia prysutničać na hetym pasiadžeńni asabista. «Kali spadarynia Lvova-Białova choča raskazać pra svaje dziejańni, jana moža zrabić heta ŭ Haazie», — zajaviła brytanskaja misija.
Jak adznačaje New York Times, błakavańnie tranślacyi aznačaje, što nijaki videazapis nie budzie zachavany na sajcie AAN i pastfaktum. Dla tranślacyi patrabujecca zhoda ŭsich 15 členaŭ Rady Biaśpieki, pastajannych abo časovych, i piarečańni byvajuć redka. Zrešty, pa danych haziety, u minułym miesiacy Kitaj padobnym čynam zabłakavaŭ tranślacyju pasiadžeńnia, pryśviečanaha parušeńniam pravoŭ čałavieka ŭ Paŭnočnaj Karei.
Namieśnik pastajannaha pradstaŭnika Rasii pry AAN Dźmitryj Palanski napisaŭ u tvitary, što Rasija arhanizuje alternatyŭnuju tranślacyju vystupu Lvovaj-Białovaj.
Taksama jon pryhraziŭ, što Rasija budzie razhladać hety vypadak jak precedent, kab błakavać tranślacyi abmierkavańniaŭ, inicyjavanych zachodnimi krainami. Zachodnija krainy ŭ apošnija miesiacy nieadnarazova arhanizoŭvali pasiadžeńni, pryśviečanyja, naprykład, źvierstvam rasijskich vojskaŭ va Ukrainie.
U Mižnarodnym kryminalnym sudzie vydali ordar na aryšt Uładzimira Pucina
Ad BNF da HRU. Chto takaja Natalla Sudlankova, jakoj čechi zahadali pakinuć krainu27
Kamientary