Pieršuju babrujskuju mazaiku mohuć zachavać. Ale heta nie dakładna
U studzieni ŚMI abyšła navina, što ŭ Babrujsku nieŭzabavie źniasuć stary chirurhičny korpus lakarni imia U. Marzona, a na jaho miescy pabudujuć novy, sučasny. Razam sa starym korpusam musiła b być źniščanaja i pieršaja babrujskaja mazaika aŭtarstva mastaka Siamiona Abramava, jakaja mieścicca na jaho fasadzie. Ale, moža być, jaje jašče ŭdasca zachavać.
Aŭtar telehram-kanała Aktahon napisaŭ, što paśla niekalkich zvarotaŭ u miascovyja orhany i Ministerstva kultury, u jakich jon źviartaŭ uvahu na toje, što ŭ biełaruskim zakanadaŭstvie nie praduhledžany demantaž (źniščeńnie) tvoraŭ manumientalnaha mastactva i što heta źjaŭlajecca vandalizmam u jaho pramym aznačeńni, jon
narešcie atrymaŭ ad ministerstva adkaz. U im havorycca, što Minkult dasłaŭ list u Babrujski harvykankam ab praviadzieńni rekanstrukcyi tvora.
Aktahon źviartaje ŭvahu na toje, što pavodle Pałažeńnia ab paradku stvareńnia (rekanstrukcyi) i pryjomki tvoraŭ manumientalnaha i manumientalna-dekaratyŭnaha mastactva, zaćvierdžanaha pastanovaj Savieta Ministraŭ Respubliki Biełaruś ad 19 vieraśnia 2008 hoda №1372 (u redakcyi pastanovy Savieta Ministraŭ ad 14 studzienia 2022 hoda № 26),
rekanstrukcyja tvoraŭ manumientalnaha i manumientalna-dekaratyŭnaha mastactva — sukupnaść rabot i mierapryjemstvaŭ, nakiravanych na vykarystańnie pa novym pryznačeńni tvoraŭ mastactva i (abo) źviazanych sa źmianieńniem miesca ich raźmiaščeńnia.
Takim čynam, zychodziačy z hetaha, babrujskaja mazaika musić ciapier być jak minimum niekudy pieraniesienaja — ci ŭ muziej, ci na novy budynak, — a nie banalna źniščanaja.
Zrešty, aŭtar dopisu admysłova adznačaje, što hetaje pałažeńnie — toje samaje, pavodle jakoha Zelvienski rajvykankam admoviŭsia demantavać pomnik Łarysie Hienijuš. To-bok u hetaj krainie i pry ciapierašnim staŭleńni da zakonaŭ jano ničoha nie harantuje.
Kamientary
heta mazaika hladzicca asabliva ščymliva i nabyvaje asablivy košt