FSB nazvała druhoha padazravanaha ŭ arhanizacyi zabojstva rasijskaha prapahandysta Tatarskaha
Zabojstva Uładlena Tatarskaha sumiesna z Darjaj Trepavaj rychtavaŭ hramadzianin Ukrainy Juryj Dzianisaŭ, jaki z dapamohaj servisu dastaŭki praz pasiarednika pieradaŭ joj vybuchovaje prystasavańnie, śćviardžaje FSB RF.
Pavodle FSB, Dzianisaŭ prybyŭ z Kijeva ŭ lutym praz terytoryju Łatvii ŭ maskoŭski rehijon, dzie źbiraŭ źviestki ab Tatarskim.
Paśla ździajśnieńnia terakta 3 krasavika jon vylecieŭ z Rasii tranzitam praz Armieniju ŭ Turcyju. Rasija abviaściła jaho ŭ mižnarodny vyšuk.
Arhanizatarami terakta ŭ Sankt-Pieciarburhu, u vyniku jakoha zahinuŭ Uładlen Tatarski, zjaŭlalisia «ŭkrainskija śpiecsłužby i ich ahientura», u tym liku rasijskija apazicyjaniery, jakija chavajucca za miažoj, paviedamili ŭ FSB. Taksama ŭ FSB zajavili pra toje, što Trepava «ździejśniła terakt u vyniku nieadnarazovych zaklikaŭ kiraŭnikoŭ Fondu baraćby z karupcyjaj Vołkava i Ždanava da padryŭnoj dziejnaści ŭ Rasii».
Vajenny prapahandyst zahinuŭ 2 krasavika ŭ Sankt-Pieciarburhu padčas «tvorčaj sustrečy». Jamu ŭručyli statuetku, jakaja paźniej vybuchnuła. Darji Trepavaj ź Pieciarburha vystaŭlena abvinavačańnie ŭ terakcie, jaje zatrymali.
-
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
-
«Adnu mianie biesić, što za miažoj ja vyklučna IrYna?» Biełaruska aburajecca tranśliteracyjaj u pašparcie ź biełaruskaj movy
-
U Lidzie pamior 71-hadovy mužčyna. Jaho syn, zborščyk podpisaŭ za Capkału, kaža, što baćku zakatavali da śmierci. Ci tak heta?
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu1
Kamientary