Darji Trepavaj ź Pieciarburha vystaŭlenaje abvinavačvańnie ŭ terakcie
Darji Trepavaj vystaŭlenaje aficyjnaje abvinavačvańnie ŭ terakcie, učynienym arhanizavanaj hrupaj, a taksama niezakonnym našeńni vybuchovych pryład, paviedamlajuć rasijskija ŚMI.
Hałoŭnaje śledčaje ŭpraŭleńnie SK Rasii vystaviła abvinavačvańnie pieciarburžancy Darji Trepavaj pa artykułach ab ździajśnieńni terakta, jaki paciahnuŭ śmierć čałavieka, a taksama ab niezakonnym našeńni vybuchovych rečyvaŭ.
Pa abodvuch artykułach joj staviać u vinu ŭčynieńnie złačynstva ŭ składzie arhanizavanaj hrupy.
«Pavodle źviestak śledstva, 2 krasavika 2023 hoda Trepava, vykonvajučy ŭkazańni asob, jakija dziejničali z terytoryi Ukrainy, pryniesła ŭ kaviarniu ŭ centry Sankt-Pieciarburha statuetku, načynienuju vybuchoŭkaj, i pieradała jaje vajskovamu karespandentu Maksimu Faminu, viadomamu pad psieŭdanimam Uładlen Tatarski», — paviedamlaje SK.
U vyniku vybuchu zahinuŭ Tatarski, a taksama ranieńni roznaj stupieni ciažkaści atrymali bolš za 30 čałaviek, piša SK.
Śledstva prosić sud adpravić Trepavu pad vartu.
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary