U Biełarusi moža źjavicca i stratehičnaja jadziernaja zbroja — Chrenin
Ministr abarony padčas razmovy z pradstaŭnikami miedyja na adnym z palihonaŭ prakamientavaŭ apošnija naviny vakoł raźmiaščeńnia ŭ Biełarusi jadziernaj zbroi.
«U nas padrychtavanaja technika, samaloty, jakija mohuć nieści jadziernyja bojeprypasy, my atrymali sučasny kompleks «Iskander», jaki taksama zdolny prymianiać rakiety ź jadziernymi bojehałoŭkami. Na nastupnym tydni zavieršycca padrychtoŭka adpaviednaha padraździaleńnia ŭ Rasii, i jano vierniecca da nas», — skazaŭ Viktar Chrenin.
Taksama jon vykazaŭsia pra imaviernaść raźmiaščeńnia ŭ Biełarusi i stratehičnaj jadziernaj zbroi.
«Kali treba, u nas budzie i stratehičnaja jadziernaja zbroja. I my ŭžo zajmajemsia padrychtoŭkaj isnujučych u nas placovak. I kali varožaja rytoryka praciahniecca, heta budzie nastupny krok. Na siłu my budziem adkazvać tolki siłaj. Pa-inšamu na Zachadzie nie razumiejuć», — skazaŭ ministr abarony.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary